按盤價 
《財經人語》唔止大陸有「１１﹒１１」光棍節，香港仲有「１１﹒１９」開台日。
每年今天，我哋都食住飯聽住Ｎ次生日歌賀無線（００５１１）台慶，今年終於有新嘢睇。
魔童王維基啱啱宣布，港視（０１１３７）正式開台！雖然佢重申一次又一次，撞無線台慶係
「誤會」，但難道通勝話今晚８點正係吉時？港視今晚８點起進行直播，撞正翡翠台８點播《萬
千星輝賀台慶》，如此巧合，大家懂的。
港視今午１點鐘喺金鐘萬豪酒店舉行開台禮，固然星光熠熠。除咗有連座位表都無名字、突
然駕到嘅蘇錦樑局長，仲有前來齋坐嘅立法會議員葛珮帆，聯同四個電台報紙猛人同魔童坐主家
席，相當架勢。
午宴延開３６席，除咗超過６０位藝人，仲有全港過百名記者齊集現場見證開台一刻。而座
上客亦有一班加盟「香港電視網上購物商場」嘅客戶，睇睇名單，歐舒丹（００９７３）、周大
福（０１９２９）、六福（００５９０）、謝瑞麟（００４１７）及鴻福堂（０１４４６）等等
均有派人撐場。
不過，魔童話要等開台後，有收視，系統又穩定，「香港電視網上購物商場」先會開張。各
位等下啦！
WoW WoW星期三：健康網購產品低至$99 (只限今天)► 立即行動
