極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00941 中國移動
即時 按盤價 跌66.900 -0.200 (-0.298%)
相關新聞

15/04/2014 17:39

《小傳日記》巨型抽水機啟動,缸邊好友面燶燶!

  《小傳日記》魚缸仲有兩日就迎接一連四日復活節假!不過嘆世界之前,聽日(16日)都
要記得坐定定睇實祖國GDP放榜,就算之前克強總理已經放晒風,都唔好掉以輕心。好似今日
(15日)咁,阿爺又失驚無神開著強勁抽水機,以最高力度吸走1720億銀人仔,係農曆新
年後最勁嘅一次,搞到A仔場一度失守二千關,完場收跌1﹒4巴仙,係近一個月跌得最多。
  A仔碌呀碌,香江呢邊就更慘情,最多唔見380點,成支大陰燭跌穿十及百天線。恆指全
日報22671,唔見367點或1﹒6巴仙;國貨指數就仲大鑊,碌低215點或約2巴仙,
收10028,一萬大關又再次受考驗。至於全日成交就同噚日(14日)差唔多,大約得番
636億銀。

*阿爺勁收水好友無謂追,A仔與港股互聯又互碌*
 
  今日生發發(00388)就霸咗成交金額榜榜首,不過今次唔係大成交向前衝,而係大成
交向下碌囉……「滬港直通車」細節都未出台,又要六個月後先正式開車;以生發發咁有份量嘅
重磅股,係咁短時間入面,由約130銀升到去150銀左右,彈高咗成15巴仙有多,已經係
好唔錯嘅成績。依家好消息都炒完,賺快錢嘅缸友都沽貨離場等放假,搞到隻股重挫逾5巴仙收
141﹒9銀,成交差唔多有27億咁多。
  仲有超級受惠股第一上海(00227)就更加難逃一瀉,過去三日股價已經飆升咗近86
巴仙,炒友仲唔趁市弱走人咩。完場時,第一上海就急跌13巴仙,變番毫子股報0﹒94元。
國泰君安(01788)就真係識揀時機,趁住股價炒高即宣布抽水,復賽後要跌番8巴仙,跌
穿批盪價4﹒3銀。

*券商生發發今回齊齊插,新增貸款曳錢莊被追殺*
  
  A仔場跌得咁勁,都係因為班祖國錢莊唔爭氣,雖然3月份新增貸款達到1﹒05萬億人仔
,高過預期少少;但係同舊年比較,就少咗124億銀人仔。加上之前都傳過錢莊不良貸款增加
得好急,換句話講,即係借少咗錢,油水自然無咁多,但係又多咗客仔唔還錢,錢莊想重拾昔日
強勢都幾難!心水清嘅缸友就梗係避一避風頭,同錢莊說再見。好似民行(01988)近排升
咗咁多,就成為掟貨目標,始終佢資產質素相對唔太靚,缸友梗係揮揮手走人,完場足足蒸發逾
8巴仙收7﹒98銀,以高達近12億銀成交跌穿十天同百天線,係表現最差嘅錢莊!
  信行(00998)都係同病相連,今朝一開市高見5﹒01銀創超過一年高位後,就愈跌
愈多,完場唔見逾6巴仙收4﹒63銀。至於四大國有錢莊就穩陣啲啲,跌低1至2巴仙左右,
但都足夠令大隻佬碌低幾十點啦。

*中移動QQ愈大愈不濟,高佬薦內房難扭轉形勢*

  淡友要乘勝追擊,祖國移動(00941)同股王QQ(00700)都好難走得甩,前者
已經跌穿十天線,完場唔見2巴仙收72﹒45銀,後者又係跌2巴仙收516銀,收低百天線
,兩隻重磅股走勢都麻麻地,齊齊推低大隻佬高達62點。
  仲有祖國地主都中左地雷,本來今朝都仲好地地,高盛高華又出報告唱好,話阿爺係未來幾
星期,可能會主動出手幫一幫地主,例如調整二套房首期成數。點知淡友攻勢太勁,龍頭中海外
(00688)最終碌低近4巴仙收20﹒15銀,碧桂園(02007)大跌逾6巴仙,形勢
又再轉弱。
 
*鐵聯再暴瀉成交三億銀,大市甚反覆請自求多福*

  魚缸咁弱,重磅股被淡友質地係正常不過,但係有隻毫子股就竟然躋身50大成交額金榜。
呢隻就係連日被洗倉嘅中國鐵聯傳媒(00745),雖然噚晚已經發通告,話唔知點解股價跌
得咁急,但今日都仲以約3億銀成交暴瀉近34巴仙,得番0﹒186銀。公仔圖驚現「十二連
陰」,股價累計蒸發咗逾86巴仙。請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力