極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00941 中國移動
即時 按盤價 跌66.900 -0.200 (-0.298%)
相關新聞

31/10/2014 17:32

《小傳日記》東瀛大放水,A仔多人追;香江勢如虹,無貨心都碎!

  《小傳日記》今個10月都算係「多事之秋」。月初因為「佔中」而反覆下挫,之後又驚「
滬港通」煞車,加埋花旗國買債即將結束,總之就搞到香江「陀陀擰」,喺二萬三萬度浮浮沉沉
咗大半個月。直至早幾日祖國炒自貿區概念,花旗國好多大公司業績又省鏡,中美魚缸突然欣欣
向榮,香江至反覆造好。
  今日仲巴閉,A仔場成功衝破二千四關口,再創20個月新高,再加埋(31日)東瀛央行
仲決定加碼「放水」,日股爆升755點或近5巴仙;多支「強心針」加埋,香江今日終於發威
突破二萬四重要大關,高見24046點。收市恆指報23998漲296點,仍收高於百天線
(約23916)樓上,又攻陷多一條平均線;國貨佬嗰邊都有126點進帳,收10755。
  香江難得一度上番二萬四,交投唔使問都知唔會少得去邊,全日成交超過829億銀,認真
熱鬧呀!
  
*曾越兩萬四成交大躍進,兩隻A50拍住齊齊衝*
 
  A仔場個勢咁勁,散場踢高逾1巴仙收2420點,連二千四關都衝破埋,喺香江追蹤A股
走勢嘅ETF又點會無反應呢?!安碩A50(02823)同南方A50(02822)呢對
孖公仔就梗係拍住上,齊齊踢高近3巴仙,各收9﹒41銀及9﹒34銀,成交高到不得了,各
有近27逾億銀及近23億銀,分別高踞最多成交榜第一及第三名!
  一班中字輩股份都手拖手,踢踢腳,開Party慶祝。祖國移動(00941)領軍,完
場前嗰一刻仲突然衝高咗上去,升近3巴仙收96﹒5銀!一班祖國錢莊放完榜後一身輕,齊齊
踢高1至2巴仙。同A仔場息息相關嘅「燕梳」成員就梗係仲巴閉啦!國壽(02628)同財
險(02328)都彈高逾2巴仙。 
 
*中移做領軍中字派開心,放水又放水日圓腳震震*
 
  東瀛突然玩加碼放水,朝日荀貨真係齊齊追?話說東瀛喺中午時份,突公布提高買債金額,
年增購買政府債規模30萬億日圓,至80萬億日圓。嗰頭花旗話「閂水喉」,呢邊廂就大力
「揼水」咁反高潮,孖屐自然興奮啦!
  銀根鬆動,自然憧憬東瀛國民花費都疏爽啲啦!專賣平靚正衫嘅迅銷(06288)即刻炒
高近6巴仙,收報28銀。有閒錢,亦自然吸引客仔去耍樂啦,所以波子機(06889)今日
都炒高咗逾5巴仙,收21﹒8銀。
  何止東瀛股受惠呀,呢股旺氣旋即捲至魚缸,就好似阿信屋(00759)咁,日圓跌至近
七年新低,憧憬入貨成本大減,阿信屋單日抽近5巴仙,收報2﹒8銀。
 
*東瀛股受惠你追我又趕,迅銷波子機同升逾半成*
 
  頭先講開波子機受惠東瀛加碼放水,估唔到濠賭股都嚟湊熱鬧,銀娛(00027)由開場
升到散場,抽高逾5巴仙收52﹒95銀,收復番唔少失地。本來金沙(01928)個勢都唔
錯,點知散場前碌番D落嚟,但都有近3巴仙進帳收48﹒3銀    
  美高梅(02282)派完第三季成績表,畀巴克萊同瑞信大讚叻仔,兩個都出手升目標價
,瑞信就豪爽D,上望30﹒8銀添!得到兩大行支持,美高梅都開開心心衝高逾3巴仙收
24﹒9銀,讚!
  惟獨永利澳門(01128)斯人獨憔悴,除咗開市彈一彈高DD之後,就腳軟跌番落嚟,
散場時只得28銀逆市唔見1巴仙,慘!
 
*漢傳媒爆升霆鋒果然勁,濠賭有苗頭獨漏了永利*
 
  今日財經界同娛樂圈就公布咗一單喜訊,就係藝人謝霆鋒將旗下後期製作公司「PO朝霆」
注入漢傳媒(00491)。早兩日謝霆鋒先宣布用1﹒23億增持漢傳媒至逾23巴仙股權,
做單一大股東,說時遲那時快,今日就一如預期將親生仔注入漢傳媒入面,借殼上市成功!
  有呢位成功藝人兼商人加盟,今朝漢傳媒一開場就飛升逾76巴仙,之後個勢仲愈嚟愈勁,
升幅仲一度爆升1﹒3倍至0﹒87銀,風頭一時無兩。埋單嗰陣都仲KEEP到個勢,有超過
97巴仙落袋收0﹒75銀,勁!計一計數,一日之內漢傳媒就多咗5﹒5億銀市值,謝霆鋒效
應真係無得輸!假期愉快,請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力