極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
01299 友邦保險
即時 按盤價 不變52.550 0.000 (0.000%)
相關新聞

28/08/2014 17:21

《小傳日記》午後突告急,好友眼濕濕;你撻我又撻,中移仍然得!

  《小傳日記》「嘩,打到嚟啦!」班淡友等咗咁耐,終於借住今日(28日)期指結算日,
加埋A仔場穿咗2200大關,創近三個月新位嘅機會,喺下半場突然發動猛烈襲擊,將好友上
半場推高嘅137點升幅,喺瞬間就全數擊落,之後仲愈踩愈深,多隻重磅股都中伏碌低!
  淡友殺大家一個措手不及,搞到大隻佬指數由最高位計,最多回落375點至24680,
完場時都仲未見好轉,大跌177點或0﹒7%,收報24741,連廿天線(24816點)
都穿埋。國貨佬指數都一樣唔多掂,重挫142點或1﹒3巴仙,收10931,一口氣失守十
天及廿天線。全日加加埋埋,有超過一千隻股份係向下碌,形勢似乎開始告急!
  今次淡友來勢洶洶,嚇到缸友雞飛狗走,成交都急增至逾804億銀,多咗約兩成,噢!

*淡友發功了成交急急增,麥記踩蒙牛重貨心都震*

  先報告一吓班大隻佬嘅傷勢,蒙牛(02319)係傷得最重嘅一位,本來中期多賺四成,
成績不過不失,點知麥格理極度唔滿意,話核心經營溢利遠差過預期,搞到蒙牛下半場發軟蹄,
大幅下瀉近7仙收35﹒45銀,成交急增至6﹒7億銀,今次真係傷到入晒肉啦!
  祖國海外(00688)都唔見逾3巴仙收21﹒8銀,係第二差大隻佬。其實潤地
(01109)都受到同門師弟潤電(00836)總裁被查拖累,今日都曾經急跌逾4巴仙,
不過完場時好番DD,唔見2﹒7巴仙收17﹒84銀。
  至於今日最威水嘅藍戰士,就由聯通(00762)擔任!係無咩消息之下,逆市踢高
1﹒5巴仙收13﹒34銀,輕輕鬆鬆奪得寶座。
  
*大象與中移拍住齊看上,大佬齊中伏綠華成奇葩*

  其實祖國移動(00941)同大象(00005)已經好努力收復失地,前者大部分時間
都表現好好,曾經升到去96﹒75銀高位,距離百元大關唔夠4蚊。不過個市咁弱,兩位最終
只係踢一踢高就完場,分別收95﹒4銀同83﹒2銀,為大隻佬貢獻咗25點架!
  只不過,祖國錢莊實在太過無力,今日收市後放榜嘅工行(01398),連埋聽日
(29日)派成績嘅建行(00939),一齊碌低逾1巴仙。再加埋生發發(00388)、
友邦
(01299)、超人(00001)及囝囝和黃(00013),兼祖國石油(00857)
,呢六位大隻佬,已推低個市99點,佔咗全日超過一半跌幅啦!
  咁多位大佬都中晒伏,但係半新丁綠葉製藥(02186)就成為逆市奇葩,以近6億銀飆
升近15巴仙,收報8﹒36銀。皆因公司宣布,用成37億人仔買入北京嘉林藥業近六成股權
,咁大手筆買埋同業,咁有雄心壯志,粉絲梗係Buy啦!

*碧桂園光纖伸手同被質,石藥與家居減持有點噏*

  魚缸喺高位危危乎,唔少公司都想趁高位撈番筆。碧桂園(02007)計劃折讓30個巴
仙「15供1」,籌近32億銀還債及營運金。一班股東就梗係唔多like,卒之畀人質低咗
成近5巴仙,連條50天線都守唔住。中國光纖(03777)都乘機以先舊後新配股,諗住拎
筆錢嚟起生產線同營運金,可惜都難逃一瀉,同樣畀人質低咗近6個巴仙。
  另外,有兩間公司畀股東當咗做提款機,石藥(01093)今朝早無啦啦停賽,原來畀聯
想控股掟咗6﹒5億股,袋走咗成超過5億美金,認真「和味龍」;睇怕石藥復牌之後都無乜運
行。國際家居(01373)同樣被減持,搞到嗰價冇咗成14個巴仙,收市得番2﹒62銀,
距離上市新低2﹒38銀不遠矣!

*電信165績靚個個讚,信達遇競爭趁放榜即散*

  正所謂「求學不是求分數」,但係搞生意就梗係要有盤靚數,盤數靚靚仔仔嘅自然得人鍾意
啦。好似祖國電信(00728)就叻仔喇,全日就升近6巴仙收4﹒66銀,事關佢中期業績
都唔算差,比舊年賺多咗12巴仙,雖然唔算好多,但大行們都睇好佢,摩通更加大升佢目標價
到5﹒1銀。另外中國光大(00165)中期都多賺56個巴仙,純利達11﹒5億銀,難怪
股價都踢高5巴仙收報14﹒84銀。
  有人歡喜有人愁,做生意最怕有死對頭。信達(01359)中期純利都升30巴仙,但係
對手華融資產宣布會出年底前嚟香江上市,市場可能擔心信達遇著行家多競爭,成績好都照踩低
近逾7巴仙,收3﹒92銀,連百天線都破埋。有時股在缸湖,身不由已。藥師四環
(00460)中期純利都升34個巴仙,但係因之前升太多嘅關係,今日都唔見逾4巴仙。請
請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性 
       
       本文只供參考之用,並不構成要約、招攬或邀請、誘使、任何不論種類或形式之
       申述或訂立任何建議及推薦,讀者務請運用個人獨立思考能力自行作出投資決定
       ,如因相關建議招致損失,概與《經濟通》、編者及作者無涉。

全新節目《說說心理話》原生家庭對成長有咩影響?改善溝通有計可施?► 即睇

備註: 即時報價更新時間為 28/03/2024 18:00
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力