話說呢期美國政府就好似我睇《九品芝麻官》吳啟華一樣，所謂：「我彈出又彈入，你打我啊笨！」因為成日都話停戰，但點知唔係以色列射飛彈，就美國做轟炸，真係好難觸摸。

　　話返兩頭，呢一次中東戰爭，估價最Fat Fat就係特朗普個仔，Barron Trump。市場傳聞，係美國攻打伊朗之前，Barron就購入5千萬美元的石油股，之後有幾次都係消息前後出貨入貨，保守估計都賺左十億八億美金。

　　另外，特朗普另外一個仔都係無人機科技公司做，遽聞同樣係攻打伊朗之前，就已經向相關公司落訂單，特朗普話到明無人機係未來戰爭科技，順便就益埋自己友。

　　據了解，自2024年大選以來，特朗普家族嘅財富已經翻倍，目前淨資產估計已達100億美元，主要驅動力來自加密貨幣，其他資金來源包括為美國右翼公司提供諮詢服務以及與海外（尤其是中東）資金雄厚的公司合作。

　　呢一場戰爭，究竟特朗普家族賺幾多錢？真係唔識計，不過博客就擔心，特朗普完任落台之後，應該官司不斷，特別係民主黨一定係針住嚟打。

　　事關利用信息差做內幕交易，某程度上都屬於叛國罪，目前就只係有證據與無證據之差（博客就覺得只要特朗普一下台，就即刻有人做嘢），特朗普所面對的壓力，可能下台之後先會湧現，係咪真係可以笑到最後？博客唔敢講啦。

《編者按》本欄搜羅即市傳聞，惟消息未經證實，《經濟通》亦不保證內容之準確性。

獨家優惠【etnet x 環球海產】用戶專享全場95折，特價貨品更可折上折。立即使用優惠代碼【ETN1WWS】，選購五星級酒店級海鮮► 立即瀏覽