《楠楠自語》從前學校裏面有一班幾十個學生，正常邏輯去諗，你唔會走去賭包尾嗰幾個學
生下個學期有機會考第一，梗係博考前五嗰幾個繼續考得好啦，玩咩。
　
　　依家唔係買馬仔，買冷馬賠率係會好啲，但你買冷股票賠率唔會囉。
　
　　特別係香港，趨勢差就講咩基本面都無乜用，市場唔認同就係唔認同，趨勢繼續差我就繼續
沽。即使股價貴到飛天，你有ｔｒｅｎｄ上，有ｃａｔａｌｙｓｔ（呢個好重要），咪繼續坐上
去，有ｒｉｓｋ　ｃｏｎｔｒｏｌ，有止損，輸唔死人。
　
　　估值係有用，但只能輔助，有ｃａｔａｌｙｓｔ，幾高估值都可以有更高預期。
　
　　依家市面上邊個學生跑贏？美股囉，ＮＶＤＡ、ＡＭＤ、ＭＳＦＴ、ＧＯＯＧ；日股囉，
ＳＯＮＹ、迅銷、東京電子、任天堂；台股囉，ＴＳＭ、ＴＳＭ、ＴＳＭ。咁邊個包尾呀？
　
　　港股囉，阿里巴巴（０９９８８）、騰訊（００７００）、美團（０３６９０）、內房、內
險、港交所（００３８８）。
　
　　不需要對基本面、政治、宏觀經濟有乜睇法，其實好多嘢喺圖表上就已經反映晒出黎。多啲
睇唔同板塊、指數、外匯嘅圖表，你會有更多得著。此時此刻，你仲買港股？見底先買啦，你點
知跌幾多？唔好話跌，如果好似大家以前睇死嘅日本咁底部橫行３０年，咁有意思嗎？《南華證
券高級分析師　莫灝楠》
　
＊《經濟通》所刊的署名及╱或不署名文章，相關內容屬作者個人意見，並不代表《經濟通》立
場，《經濟通》所扮演的角色是提供一個自由言論平台。

【免費講座】陸叔《2024 投資心法·養生之道》講座► ►火速報名