《笑傲缸湖》Ｅｍｏｊｉ誇張啲講已經係大眾生活嘅一部分，ｗｈａｔｓａｐｐ通訊傾計點
都會加返一兩個表達吓情感，只得文字就略嫌硬崩崩。但唔少人亦批評，慣性用Ｅｍｏｊｉ可能
會影響語言能力，令大家唔再識得用文字去表達自己，不過換一個角度睇，Ｅｍｏｊｉ正正可以
幫到失語症患者。
　　失語症患者多數會用手勢、畫畫去表達思想，但冇受過訓練嘅平常人就未必能夠理解。星星
星有鑑於此，最近同語言治療師合作研發手機應用程式Ｗｅｍｏｇｅｅ，可以將１４０多個日常
交流嘅句子「翻譯」為Ｅｍｏｊｉ組合，例如問對方「近況如何」，就會變成「笑面、ＯＫ手勢
、問號」嘅Ｅｍｏｊｉ，化解平常人同失語症患者之間嘅溝通障礙。
　　研發人員解釋，依家花旗國每１００萬人就有一個患上失語症，好多時係因為腦部受損，令
佢哋說話、閱讀、書寫有困難，而Ｅｍｏｊｉ就完美表達到唔同細微嘅情緒，失語症患者好容易
就明白到意思。
　　記得有科網公司亦曾經利用Ｅｍｏｊｉ治療受虐兒童嘅心理創傷，盈盈總相信科技發展只要
用得其所，一定可以拉近人同人之間嘅距離。《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】辭任終院法官撰文指本港法治受干預，政府反駁強調不受政治壓力，你是否支持政府回應？► 立即投票