《笑傲缸湖》花旗國前總統奧巴馬雖然已經卸任超過一年，期間有渡過假、出過書、做過唔
少演講，日子都算過得非常充實，退而不休。唔知道佢係咪聽到花旗國民眾對佢嘅掛念呢，最新
就有消息人士指，奧巴馬同埋老婆米歇爾有可能會進軍娛樂圈，不過唔係拍戲拍劇唱歌，而係透
過去Ｎｅｔｆｌｉｘ做節目主持。
　　消息就話，奧巴馬正係到同Ｎｅｔｆｌｉｘ傾緊一個「製作夥伴」合作方式，如果真係成事
嘅話，暫時可能有兩個節目，包括由奧巴馬主持，主要討論佢任內嘅重要話題，而另一個節目就
可能由米歇爾主持，主要講講呢位前總統夫人過往倡議嘅議題，例如係營養問題。
　　Ｎｅｔｆｌｉｘ就拒絕評論呢個傳聞，不過奧巴馬高級顧問Ｅｒｉｃ　Ｓｃｈｕｌｔｚ噚日
（８日）就表示，奧巴馬夫婦一直相信通過講故事，可以激發人嘅靈感，因此佢哋會繼續搵新方
式，去幫助其他人講述同埋分享自己嘅故事。
　　奧巴馬身為以５８％高支持度卸任嘅前總統，相信唔少人都有興趣睇佢嘅節目。雖然暫時唔
知成唁成事，到底有無機會喺螢光幕上面見到奧巴馬夫婦，不過點睇都係Ｎｅｔｆｌｉｘ又贏一
仗喇。《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》與你分享被性騷擾解決辦法，大量真實個案，唔同場所如何提防及應對？► 即睇