加入最愛專欄  收藏文章 

31/08/2021

當前度成為後備:忠誠陪伴、隨存隨到、適時斷聯,做無名份的綠葉布景,你甘心嗎?

  「最近我個ex約我去海洋公園……佢話有幾個機動遊戲要閂,想一齊再去。」

 

  「Theme park date咁浪漫?」

 

  「就係唔知想點,佢有女朋友㗎,仲約我。」她接著說:「同佢分手後,有段時間我地申請咗Annual pass,成日去海洋公園,關係有啲曖昧,但大家都無提過一齊返。後尾佢有女朋友,就即刻少咗搵我,我都識做行開嘅……我嘅存在係咪好奇怪呀,哈!」

 

  「搵開有條路,悶咪又搵你陪囉,嘿。」我取笑著眼前這位落力陪襯的綠葉。

 

  「好『誠心』咁幫佢過度咗嗰段single、苦悶嘅時候,我算咩啫,哈!」她自己也笑得有點牽強,陪到他有下一個對象,還要識趣斷聯,最優秀前度也。

 

  「需要後備嗰陣又諗起你呀,你一直都喺度,一直都會應約,聽教聽話!」

 

  「佢仲話就嚟開水上樂園,想去喎……」她說得略為遲疑,大概也想到前度約嬉水,泳裝相見是多有畫面。

 

  「佢間中都講話同女朋友一齊耐咗,有啲悶……」

 

  男人這樣說出口,大概不是純吐苦水,而是帶有暗示?是和女友相處日久,又悶又不好玩,所以想起她?是餘情未了麼?猜不透,但一定不是純情,維持著這種不只是朋友,卻也不會再一起的關係,比朋友情濃更帶點曖昧。

 

  身為最熟悉的前任,了解彼此習性,他也懶得再去認識或相約另一位,她永遠是最方便、快捷的選擇。自己無聊了、女友沒有空,亦有長期配合,萬能又熟練的她,怎樣都有人陪,不錯。重點是找前度做備胎,可是無需承諾,無需確定身分,這種若有似無、乾手淨腳的關係多好!

 

  明知他已有穩定女友,自己的前度身份,有格格不入麼?當年在他苦悶單身的時候,曾用心地相陪,對他是有情還是友情也好,都是優秀的前度典範,只是他交了新女友便立即把她掉在一旁。儘管她從沒要求甚麼,但誰也不想當個揮之則來,呼之則去的人吧。和他出遊,是相陪相玩,還是加深了曖昧情愫?

 

  「其實講到尾,你好又易話圍,咪搵你攝時間囉,哈!」我毫不客氣的說。

 

  誠心誠意當個好備胎,付出了時間、心意,對方不過是予取予求,別指望能得到些甚麼。以前也許曾經犯傻,但現在無需再重複,做得再好都只是無名無姓的前度!

 

  分手後轉身有很多種形式,當陌生人可以,當朋友也好,做個最佳前度兼布景,不必了。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【搶先申請】免費試用etnet強化版MQ手機串流報價服務! ► 立即行動

Let's Chill!

You May Also Like
#兩性關係 #愛情 #分手 #情侶 #前度 #曖昧 #女朋友 #朋友 #感情 #Love Philosophy #備胎 #Sex & Love
More on Sex & Love

Popular Tags

即時報價
全文搜索
Search
最近搜看
    • 港股
    • A股
監管風暴
恒大困局
More
Share