25/06/2019 17:30
《小傳日記》內銀內險拖後腿，好友騰雞急散水！
《小傳日記》Ｇ２０國峰會前夕，本身「孖屐」都風平浪靜，大家繼續觀望，所以恆指今朝高開唔夠百點後跌幅一度擴大，主要由於神州錢莊出事，自認同招行（０３９６８）有關係嘅私募基金突然著草，嚇到成個板塊急急插水，拖累今日中港魚缸表現，連帶神州保險佬都急急腳跪低，因為唔少大佬都揸住神州錢莊嘅貨，所以大家都要一齊出貨。 內銀內險全線跳水，搞到恆指喺下畫一度最多蒸發４４６點，低見２８０６６點，試完條二萬八後跌幅略為收窄，最終埋單報２８１８５點，跌３２７點或逾１巴仙，但係都失守咗條五十天線（２８４０８點）。主板成交額近８２４億銀，按日升一成八。 國貨佬指數收報１０７４２點，跌２１０點或近２巴仙。 Ａ場連升六日後都要回吐，上証收報２９８２點，跌２６點或近１巴仙，失守三千點關口；深証指數收報９１１８點，跌９４點或逾１巴仙。兩市合共成交５１３３億人仔。 大隻藍戰士方面，大象（００００５）今日微跌不足半巴仙，報６４﹒１銀。生發發（００３８８）今日隨市急挫近２巴仙，報２７２﹒銀。ＱＱ（００７００）明顯被人掟貨，收跌近２巴仙，報３４９﹒４銀。中移動（００９４１）回近半巴仙，報７０﹒２銀。ＡＩＡ（０１２９９）微挫逾半巴仙，報８２﹒４銀。另外，九置（０１９９７）逆市升逾１巴仙，報５６﹒３５銀，為今日最好藍戰士。
＊基金又走佬錢莊無路訴，內險受拖累股價跌落去＊
神州錢莊今日真係慘慘豬，今日突然爆出多單負面新聞，其中就話自稱同招行（０３９６８）有關嘅私募基金突然被爆出走佬，收市前都未見招行回應；之後又話有幾間神州錢莊涉嫌違反花旗國北韓制裁令，被當地官方調查。哇，大象當年都罰到好甘，嚇到唔少缸友個心離一離啊！招行今日曾經急瀉一成，收市跌近８巴仙，報３８﹒５銀。其他街坊都唔好過，交行（０３３２８）跌近４巴仙，收報５﹒９５銀，為今日最差藍戰士；建行（００９３９）同工行（０１３９８）都跌逾１巴仙，前者報６﹒５１銀，後者報５﹒６１銀。中行（０３９８８）跣低逾１巴仙，報３﹒２３銀。 內險佬今日都無妄之災被拖累，其實都唔關佢地事，但奈何唔少險企都渣住一定程度嘅內銀，所以都被缸友一齊掟貨。平保（０２３１８）跌逾１巴仙，報９２﹒６５銀。國壽（０２６２８）潛逾１巴仙，報１９﹒０８銀。太保（０２６０１）跪低逾１巴仙，報３０﹒９銀。財險（０２３２８）插水逾１巴仙，報８﹒４５銀。人保（０１３３９）回吐近１巴仙，報３﹒０７銀。
＊磚頭佬無神好友感頭痕，券商佬受壓好友遭封殺＊
有神州媒體計過條數，截至５月底，多個神州磚頭大佬銷售額突破千億銀人仔，但廣西南寧官方又約班磚頭佬吹水，話要整頓樓市亂象，今日神州磚頭佬都要仆低，碧桂園（０２００７）走低１巴仙，報１１﹒８２銀。融創（０１９１８）跟仆低１巴仙，報３８﹒５銀。萬科（０２２０２）同埋四條三恆大（０３３３３）分別唔見近２巴仙，前者報２８﹒７５銀，後者報２１﹒８銀。雅居樂（０３３８３）跟跌２巴仙，報１０﹒２４銀。 神州Ａ場今日回吐，上証失守三千點，錢莊齊齊插水，券商佬亦都要無得留低，國泰君安（０２６１１）同中信証券（０６０３０）蒸發２巴仙，分別報１３﹒７銀同埋１５﹒５６銀。招商證券（０６０９９）仆低１巴仙，報９﹒５５銀。海通證券（０６８３７）跟跌２巴仙，報８﹒５２銀。華泰六八八六（０６８８６）唔見咗近３巴仙，報１３﹒３２銀。
＊金價連日彈金股好好賺，舜宇無人爭自己要執生＊ 今日金股逆市全線喺咁升，皆因瑞銀日前就話會上調三個月黃金嘅「他屐」，加上美金腳軟，侵侵（特朗普）宣布對伊朗實施新制裁，提振咗黃金避險買盤，令到金價喺咁升唔停！有好消息缸友們梗喺興奮，即使嗰市唔太靚，都要插隻腳落去，當中山東黃金（０１７８７）埋單就沖上約６巴仙，報２２﹒５銀。神州黃金國際（０２０９９）起飛６巴仙，報１０﹒１６銀。招金（０１８１８）嘅走勢相當唔錯，連續四日累漲逾１３巴仙，報８﹒８８銀。ＳＰＤＲ（０２８４０）就彈起約２巴仙，報１０５５銀。恆興黃金（０２３０３）彈高近６巴仙，報６﹒２５銀。 手機設備股全線跟住個「孖屐」跌，隻隻表現都太理想，雖然舜宇（０２３８２）再度畀摩通掃貨，但缸友都喺食吓花生表現好冷淡，搞到舜宇埋單仍然仆低近３巴仙，報７６﹒５銀。瑞聲（０２０１８）一樣仆落約２％，報４２﹒７元。比亞迪電子（００２８５）縮水近４巴仙，報１０﹒７２銀。丘鈦科技（０１４７８）同鴻騰精密（０６０８８）都縮水近３巴仙，前者報５﹒７５銀，後者報３﹒０６銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊基金又走佬錢莊無路訴，內險受拖累股價跌落去＊
神州錢莊今日真係慘慘豬，今日突然爆出多單負面新聞，其中就話自稱同招行（０３９６８）有關嘅私募基金突然被爆出走佬，收市前都未見招行回應；之後又話有幾間神州錢莊涉嫌違反花旗國北韓制裁令，被當地官方調查。哇，大象當年都罰到好甘，嚇到唔少缸友個心離一離啊！招行今日曾經急瀉一成，收市跌近８巴仙，報３８﹒５銀。其他街坊都唔好過，交行（０３３２８）跌近４巴仙，收報５﹒９５銀，為今日最差藍戰士；建行（００９３９）同工行（０１３９８）都跌逾１巴仙，前者報６﹒５１銀，後者報５﹒６１銀。中行（０３９８８）跣低逾１巴仙，報３﹒２３銀。 內險佬今日都無妄之災被拖累，其實都唔關佢地事，但奈何唔少險企都渣住一定程度嘅內銀，所以都被缸友一齊掟貨。平保（０２３１８）跌逾１巴仙，報９２﹒６５銀。國壽（０２６２８）潛逾１巴仙，報１９﹒０８銀。太保（０２６０１）跪低逾１巴仙，報３０﹒９銀。財險（０２３２８）插水逾１巴仙，報８﹒４５銀。人保（０１３３９）回吐近１巴仙，報３﹒０７銀。
＊磚頭佬無神好友感頭痕，券商佬受壓好友遭封殺＊
有神州媒體計過條數，截至５月底，多個神州磚頭大佬銷售額突破千億銀人仔，但廣西南寧官方又約班磚頭佬吹水，話要整頓樓市亂象，今日神州磚頭佬都要仆低，碧桂園（０２００７）走低１巴仙，報１１﹒８２銀。融創（０１９１８）跟仆低１巴仙，報３８﹒５銀。萬科（０２２０２）同埋四條三恆大（０３３３３）分別唔見近２巴仙，前者報２８﹒７５銀，後者報２１﹒８銀。雅居樂（０３３８３）跟跌２巴仙，報１０﹒２４銀。 神州Ａ場今日回吐，上証失守三千點，錢莊齊齊插水，券商佬亦都要無得留低，國泰君安（０２６１１）同中信証券（０６０３０）蒸發２巴仙，分別報１３﹒７銀同埋１５﹒５６銀。招商證券（０６０９９）仆低１巴仙，報９﹒５５銀。海通證券（０６８３７）跟跌２巴仙，報８﹒５２銀。華泰六八八六（０６８８６）唔見咗近３巴仙，報１３﹒３２銀。
＊金價連日彈金股好好賺，舜宇無人爭自己要執生＊ 今日金股逆市全線喺咁升，皆因瑞銀日前就話會上調三個月黃金嘅「他屐」，加上美金腳軟，侵侵（特朗普）宣布對伊朗實施新制裁，提振咗黃金避險買盤，令到金價喺咁升唔停！有好消息缸友們梗喺興奮，即使嗰市唔太靚，都要插隻腳落去，當中山東黃金（０１７８７）埋單就沖上約６巴仙，報２２﹒５銀。神州黃金國際（０２０９９）起飛６巴仙，報１０﹒１６銀。招金（０１８１８）嘅走勢相當唔錯，連續四日累漲逾１３巴仙，報８﹒８８銀。ＳＰＤＲ（０２８４０）就彈起約２巴仙，報１０５５銀。恆興黃金（０２３０３）彈高近６巴仙，報６﹒２５銀。 手機設備股全線跟住個「孖屐」跌，隻隻表現都太理想，雖然舜宇（０２３８２）再度畀摩通掃貨，但缸友都喺食吓花生表現好冷淡，搞到舜宇埋單仍然仆低近３巴仙，報７６﹒５銀。瑞聲（０２０１８）一樣仆落約２％，報４２﹒７元。比亞迪電子（００２８５）縮水近４巴仙，報１０﹒７２銀。丘鈦科技（０１４７８）同鴻騰精密（０６０８８）都縮水近３巴仙，前者報５﹒７５銀，後者報３﹒０６銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇