13/11/2020 17:30
《小傳日記》花旗又出招，電信股不妙，幸得ＱＱ撐，魚缸攻勢返
《小傳日記》隔晚花旗國三大指數下挫，新舊經濟股一齊潛水，因為大家都消化晒疫苗相關消息，亞洲股市呢邊就榮辱互見，氣氛拖累港股低開數十點，隨後跌幅擴大，魚缸曾經試過失守二萬六關口，好彩中午收市前跌幅收窄，而午後維持跌幅。大家都留意花旗國總統侵侵簽署行政命令，禁止投資與中國軍方相關的企業，消息令中資電信佬及內銀佬跌幅顯著，中移動（００９４１）曾一度跌近６個巴仙，不過最後ＱＱ（００７００）發力，令恆指跌幅收窄至幾十點，最終恆指收報２６１５６點，跌１２點或唔夠半巴仙，主板成交１５１４﹒０７億元。國企指數報１０５４５點，跌３４點或近半巴仙。恆生科技指數報７９３９，升２３３點或逾３巴仙。 神州Ａ場都係無咩力，上證綜合指數報３３１０點，跌２８點或近１巴仙；深證成份指數報１３７５４點，跌３７點或近半巴仙。兩市成交７２７１億銀人仔，按日增加近３巴仙。 大隻藍戰士方面，大象（００００５）跌近３巴仙，報３７﹒２５銀；生發發（００３８８）升近半巴仙，報３７１銀；ＡＩＡ（０１２９９）漲逾１巴仙，報８４﹒７５銀。平保（０２３１８）跌逾半巴仙，報８６銀。
＊油需幾時見油佬跌勢現；呠呠車前衝缸友荷包豐＊
上星期油存增加４３０萬桶，較預期減少９１﹒３萬桶表現遜色。而國際能源署講到明，就算疫苗研發成功，全球原油需求到出年底前都無乜可能大升。油佬今日再跌過，中石化（００３８６）碌低逾２巴仙，報３﹒５２銀；中石油（００８５７）無咗近３巴仙，報２﹒４１銀；中海油（００８８３）跪低逾４巴仙，報８﹒５４銀；中海油服（０２８８３）走低近４巴仙，報５﹒３９銀；Ｆ三星原油期（０３１７５）跣低逾２巴仙，報２﹒７１６銀。 隔晚三隻喺花旗國上市嘅中資電動車佬蔚來、小鵬，同理想爆升兼創歷史新高，帶動今日呠呠車走高，比亞迪（０１２１１）踼高近３巴仙，報１８１﹒９銀；吉利（００１７５）抽高近１巴仙，報２０﹒７銀；五菱汽車（００３０５）跳高逾２巴仙，報０﹒５銀；長汽（０２３３３）起哄升逾３巴仙，報１３﹒３６銀。呠呠車銷售商和諧汽車（０３８３６）好出力咁回應沽空報告嘅指控，事件主角之一主席馮長革噚日使咗近２４５１萬銀增持集團股份，午飯時間公司再出通告反駁，今日個價拗腰，收升逾１巴仙，報３﹒４４銀。
＊美禁令殺到電訊佬跌倒，大行都吹奏ＱＱ唔洗愁＊
ＱＱ（００７００）第三季純利有成３８５﹒４２億人仔，按年大升８９％，好過多間大行預期。大行都估ＱＱ遊戲收入增長繼續上，第四季實ｋｅｅｐ得住團火，高盛、花旗及富瑞齊升ＱＱ他屐，當中花旗仲６４９銀爆升到７３４銀，ＱＱ全日飛起逾４巴仙，報６０２銀；阿里（０９９８８）今年「雙１１」商品總成交金額（ＧＭＶ）去到４９８２億人仔，按年升兩成六，好過大和預期，股價全日走上近２巴仙，報２５７銀；美團（０３６９０）彈近７巴仙，報３０５﹒８銀；京東（０９６１８）跳起近８巴仙，報３４８﹒４銀；小米（０１８１０）走上逾４巴仙，報２４﹒２５銀。 侵侵簽署行政命令，唔俾花旗國投資公司、養老基金，或者直接啲係所有花旗國人向一啲中國企業進行投資，好黑仔地中資電訊佬都ｏｎ ｔｈｅ ｌｉｓｔ，中移動（００９４１）及中電信（００７２８）都嗌哂救命，中移動腳軟逾５巴仙，報５０銀；中聯通（００７６２）潛水近７巴仙，報４﹒９８銀；中電信唔見近８巴仙，報２﹒４９銀；中國鐵塔（００７８８）走低近４巴仙，報１﹒３銀。 ＊內銀佬捱沽交銀最痛苦，藥明一拆三人人都去貪＊ 花旗禁令出台，搞到令神州香江兩地魚缸嘅氣氛都麻麻地，資金都開始喺Ａ場流走，外資全日通過陸股通淨流出４９﹒４億元Ａ股，結果就係ＡＨ兩地內銀佬都捱沽，建行（００９３９）跪低近３巴仙，報５﹒９８銀；工行（０１３９８）唔見近３巴仙，報４﹒６５銀；中銀（０３９８８）跣腳逾２巴仙，報２﹒７１銀；招商（０３９６８）走低近１巴仙，報４７﹒８銀；交銀（０３３２８）跳落３巴仙，報４﹒１８銀。 藥明生物（０２２６９）下星期一股份一拆三，搞到缸友紛紛搶貨博一博，盤中曾經飆逾７巴仙，報２４８銀創上市新高，收市飛高近６巴仙，報２４４﹒６銀，係今日表現最好藍戰士。君實生物（０１８７７）收到上交所嘅問詢函，要求佢好好交代下，點解有微信公眾號出左個ｐｏｓｔ話佢產品安全同有效性都有問題，仲質疑佢公司嘅研發實力。股價低開５％後，收市倒升逾１巴仙，報４２﹒７５銀；康希諾生物（０６１８５）飛高逾４巴仙，報１５７銀；金斯瑞生物（０１５４８）走高唔夠半巴仙，報１１﹒９８銀，週末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊油需幾時見油佬跌勢現；呠呠車前衝缸友荷包豐＊
上星期油存增加４３０萬桶，較預期減少９１﹒３萬桶表現遜色。而國際能源署講到明，就算疫苗研發成功，全球原油需求到出年底前都無乜可能大升。油佬今日再跌過，中石化（００３８６）碌低逾２巴仙，報３﹒５２銀；中石油（００８５７）無咗近３巴仙，報２﹒４１銀；中海油（００８８３）跪低逾４巴仙，報８﹒５４銀；中海油服（０２８８３）走低近４巴仙，報５﹒３９銀；Ｆ三星原油期（０３１７５）跣低逾２巴仙，報２﹒７１６銀。 隔晚三隻喺花旗國上市嘅中資電動車佬蔚來、小鵬，同理想爆升兼創歷史新高，帶動今日呠呠車走高，比亞迪（０１２１１）踼高近３巴仙，報１８１﹒９銀；吉利（００１７５）抽高近１巴仙，報２０﹒７銀；五菱汽車（００３０５）跳高逾２巴仙，報０﹒５銀；長汽（０２３３３）起哄升逾３巴仙，報１３﹒３６銀。呠呠車銷售商和諧汽車（０３８３６）好出力咁回應沽空報告嘅指控，事件主角之一主席馮長革噚日使咗近２４５１萬銀增持集團股份，午飯時間公司再出通告反駁，今日個價拗腰，收升逾１巴仙，報３﹒４４銀。
＊美禁令殺到電訊佬跌倒，大行都吹奏ＱＱ唔洗愁＊
ＱＱ（００７００）第三季純利有成３８５﹒４２億人仔，按年大升８９％，好過多間大行預期。大行都估ＱＱ遊戲收入增長繼續上，第四季實ｋｅｅｐ得住團火，高盛、花旗及富瑞齊升ＱＱ他屐，當中花旗仲６４９銀爆升到７３４銀，ＱＱ全日飛起逾４巴仙，報６０２銀；阿里（０９９８８）今年「雙１１」商品總成交金額（ＧＭＶ）去到４９８２億人仔，按年升兩成六，好過大和預期，股價全日走上近２巴仙，報２５７銀；美團（０３６９０）彈近７巴仙，報３０５﹒８銀；京東（０９６１８）跳起近８巴仙，報３４８﹒４銀；小米（０１８１０）走上逾４巴仙，報２４﹒２５銀。 侵侵簽署行政命令，唔俾花旗國投資公司、養老基金，或者直接啲係所有花旗國人向一啲中國企業進行投資，好黑仔地中資電訊佬都ｏｎ ｔｈｅ ｌｉｓｔ，中移動（００９４１）及中電信（００７２８）都嗌哂救命，中移動腳軟逾５巴仙，報５０銀；中聯通（００７６２）潛水近７巴仙，報４﹒９８銀；中電信唔見近８巴仙，報２﹒４９銀；中國鐵塔（００７８８）走低近４巴仙，報１﹒３銀。 ＊內銀佬捱沽交銀最痛苦，藥明一拆三人人都去貪＊ 花旗禁令出台，搞到令神州香江兩地魚缸嘅氣氛都麻麻地，資金都開始喺Ａ場流走，外資全日通過陸股通淨流出４９﹒４億元Ａ股，結果就係ＡＨ兩地內銀佬都捱沽，建行（００９３９）跪低近３巴仙，報５﹒９８銀；工行（０１３９８）唔見近３巴仙，報４﹒６５銀；中銀（０３９８８）跣腳逾２巴仙，報２﹒７１銀；招商（０３９６８）走低近１巴仙，報４７﹒８銀；交銀（０３３２８）跳落３巴仙，報４﹒１８銀。 藥明生物（０２２６９）下星期一股份一拆三，搞到缸友紛紛搶貨博一博，盤中曾經飆逾７巴仙，報２４８銀創上市新高，收市飛高近６巴仙，報２４４﹒６銀，係今日表現最好藍戰士。君實生物（０１８７７）收到上交所嘅問詢函，要求佢好好交代下，點解有微信公眾號出左個ｐｏｓｔ話佢產品安全同有效性都有問題，仲質疑佢公司嘅研發實力。股價低開５％後，收市倒升逾１巴仙，報４２﹒７５銀；康希諾生物（０６１８５）飛高逾４巴仙，報１５７銀；金斯瑞生物（０１５４８）走高唔夠半巴仙，報１１﹒９８銀，週末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情