「係喎！你發誓唔做發誓咗好幾世紀喇，進度如何？」眼見Q愈做愈乾，我常常希望可以給一點力，推動她認真行動。

 

　　「唉！邊有咁易……而家搵工好難呀，我又一把年紀呢……」她彷彿述說別人的故事。

 

　　「你有無開始搵先？」

 

　　「咁……又無……好似無咩工啱做咁……而且公司又有新project……」

 

　　「喂，如果畀你辭得成份工，你點辭？」對於無了期的咒怨我毫不感興趣，開始轉移話題令我和Q這段友誼和對話新生趣。

 

辭職最爽的事︰

 

　　1、賠錢，即走；

 

　　2、唔賠錢，捱夠通知期。期間日日上網搶廉航機票、訂酒店民宿，一於搵個靚旅行去；疊埋心水去完旅行返新工；

 

　　3、閃人前，善用公司地址（非住宅區），買淘寶好、xx團購好，最好找一堆同事一起荒廢公事一齊玩，極盡慳運費和攞著數之能事；

 

　　4、不到last day不通知不相干的同事，最後一秒才一句「This is my last day working at xxx.」走人，散水餅都慳；

 

　　5、成個department上上下下一齊賠錢、即走、跳槽過檔；

 

　　6、最爽的，莫過於親眼看著最篤眼篤鼻的人自動辭職，自己則繼續升職加薪，做喜歡做的工作。

 

　　「爽呀爽呀！」Q笑逐顏開得連人也青春飽滿起來。

 

　　別傻了，世界沒有誰沒有誰不成。公司不會因為少了任何一名員工而執笠；同樣道理，打工仔亦不會因為辭掉一份工作而即場斃命，何必將公司對自己或自己對公司的重要性看得太重？返工最緊要做得開心。

 

　　「咁你真係真係的起心肝行動啦喎！」

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港大校政風波續發酵，蔡若蓮指若大學無法良好管治當局可收回撥款，你認為政府介入會否影響院校自主？► 立即投票