不是玩針對，然而不少「吹脹HR」的面試膠答，的確發生在80尾、90後求職者身上。HR的感想是︰「而家真係要幾離譜就有幾離譜。」「真係激到我啤一聲！」「唔知好嬲定好笑……我試過當場Ke一聲笑咗出嚟，然後扮咳囉……」綜合HR遇過的「經典」紅牌出局場面，各位求職者千萬要「睇路」、「好聲行」啦喂！

 

　　80尾、90後面試「經典」膠答：

 

1、HR問︰可唔可以解釋下你點解想做呢份工？

 

　　求職者Chok聲怪答︰「媽咪話呢份工有前途，重話如果我見唔成就唔畀零用錢我添。」

 

　　HR狠批︰咁大個仔/女，連「媽咪話」都講得出，好打極有限。公司請人返嚟做嘢，絕對不是出糧還要「湊仔」。

 

　　求職妙答︰就算真是「媽咪話」，麻煩求職者都要消化思考。天下母親固然都為子女著想，但子女總會成長、會有自己的想法、會有自己想做的事。建議求職者好好搞清楚自己到底想做甚麼，大膽表達︰「我想做xxx，因為xxxx。」

 

2、HR問︰你對我地公司有咩認識呢？

 

　　求職者變「老細」口吻︰「我就係上嚟，等你講嚟聽下囉。」

 

　　HR狠批︰雖說「人揀你時你揀人」，但亦要分清莊閒，反客為主都要有個譜。求職者見工面試前欠準備，對應徵公司業務毫無認識，已經夠「大罪」了，還大刺刺到「扮老細」，算甚麼意思？

 

　　求職妙答︰求職者就是「求」職者；正如求婚，主動的一方總不能一派「我而家姑且批准你嫁我或娶我」的姿態。求職者務必收斂一下傲氣，即使一時答不出答案，亦至少以謙厚態度向對方賜教，以真誠取勝。

 

3、HR問︰可唔可以介紹下你自己有咩優點？

 

　　求職者立即女神上身娃娃聲答︰「人地咩嘢嘢都唔識識架，咁你地先有機會教我丫嘛！耶~」

 

　　HR狠批︰職場白紙的確擁有白紙的優勢，例如吸收力強、可塑性高等。然而，職場分分鐘比地球還更危險，奉勸女神早點回火星。

 

　　求職妙答︰職場如戰場，奉勸各位80尾90後盡早撇甩「咩都等人餵」的填鴨後遺症。回答以上問題，建議從僱主立場出發，提出對公司有實質貢獻的優點，再加具體例子說明。另，女神要收兵，亦不宜在見工場合。

 

4、HR問︰想了解一下，頭先發生咗咩事令你遲到成個鐘？

 

　　求職者黑面答︰「你地呢度真係好難搵囉！早知唔嚟。」

 

　　HR狠批︰HR人一直深信Hire for attitude, train for skill，簡單來說就是「江山易改，本性難移」。見工面試遲到此等「低級錯誤」都犯，還要這個態度，「我都寧願你唔好嚟喇！」

 

　　求職妙答︰去見工面試，求職者絕對絕對不能遲到。建議「方向白癡」或「唔熟地頭」的求職者，預早計劃路線；面試當天提早出門。萬一萬一萬一真的遲到鳥，務必誠懇道歉，「認次衰仔」尚且可能得個「知錯能改」的印象。

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】內地再增8個自由行城市，餐飲業倡設大灣區身份證，以便利更多人來港消費，你是否認同？► 立即投票