「今年可唔可以唔做呀？德少。」又到一年一度Appraisal旺季，同事R牙痛咁聲，不知情的，想必認定是我將自己的快樂建築在他人的痛苦之上……

 

　　小弟本來就不介意被「妖魔化」，反正辦公室裏總要有個標靶，壞情緒方找到出口。唯獨介意的是，相處多年的同事卻仍然摸不清遊戲規則，讓我質疑自己的表達能力。是不是我要表達的還沒有交代清楚？

 

　　既然暗示失敗，唯有來個白紙黑字。6句不要在Appraisal說的話︰

 

1、「今年可唔可以唔做？」

 

　　可以，不過此「唔做」（唔撈），不同彼「唔做」（純粹唔做Appraisal）。特別提醒，劈炮辭職還有「Exit interview」一關，內容還不是「翻兜」Appraisal的例牌問題。

 

2、「我好滿意自己今年嘅表現。」

 

　　高層聽到這類過度「自我膨脹」的對話，心裡本來明明滿意都會打個折扣。尊重老細「無理由有人表現好得過我」的心態是常識吧。謙厚點。

 

3、「我都覺得自己做得麻麻。無計。」

 

　　分明俾位人地入。職場如戰場，難道閣下期望對家會奶媽般說「煮個麵你食」或「你畀心機，一定得」嗎？Appraisal中，負面字眼如「麻麻」、「唔掂」、「不濟」等，可免則免。

 

4、「都係咁啦，我無嘢想講。」

 

　　這是預告劈炮的意思嗎？即使一心拎埋Bonus走人，麻煩亦做好這場戲。表面上為大家好交代；實際上……臨散水前搲得一千幾百得一千幾百。

 

5、「我覺得某某人、邊個邊個好唔掂。」

 

　　莊閒要分清。今次的評核對象是閣下，而不是某某同事。顧掂自己先啦。

 

6、唔出聲

 

　　我明白，有時候無聲勝有聲，然而Appraisal絕非「沉默是金」的時機。無理被「質」時，不要硬食，把握一年一度的平反機會，來個反客為主亦無不可。錯就要認，沒做錯就要禮貌地據理力爭。

 

　　「車，咁即係點講都死。」R急不及待反應。無錯，就要keep住這種視死如歸的心態，最緊要保持風度，反抗亦要反得大方得體。講事實、積極、大方、有讚有彈，無得輸的。

 

　　事實上，一般來說，上司沒必要立壞心腸置人於死地；況且，君要臣死，臣亦不能不死。倒不如做好本分，過得人過得自己。

 

Source: ctgoodjobs.hk

• 

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票