「唔做唔會餓死囉。」是少爺仔實習生的口頭禪。每次聽到，除了「吹佢唔脹」之外，我不知道可以給個怎麼樣的反應。只能說，「唔會餓親」的生存條件這麼雄厚，對他來說既是優勢，亦是最綁手綁腳的腳鐐。

 

　　一般來說，平民打工仔最大的弱點是「怕餓」。而從另一個角度看，這亦是人生推動力的主要來源之一。因為怕餓，所以要搵食；手停口停，無工返會死人，因此會積極向上，珍惜每個工作和可以發揮的機會。

 

　　「你地幫我諗個辦法幫公司爭取呢個咁難搞嘅尊貴客戶返嚟。」這是我給少爺仔實習生和平民實習生的考試題目。一如所料，他們交的功課有很大改進空間。然而，所謂功課或考試，考核重點不在於成績或結果，而在於態度。（至於職場上每每打真軍，結果為本亦無可厚非。）

 

　　「叫Uncle、Auntie一人係咁倚Sponsor啲，好易Meet到個Target。」少爺仔胸有成竹。

 

　　「我諗我地可以試下xxx；如果未夠，就試埋yyy，應該跑到70%；至於另外30%，唔好意思德少，我可唔可以要多啲時間再度度。」平民實習絞盡腦汁。

 

　　高下立見。

 

　　有8種「少爺仔」，在職場上是相當趕客的︰

 

　　1、使人唔使本︰有少爺仔斗膽反客為主，老點上司、甚至老闆轉頭。

 

　　2、洗腳唔抹腳︰「勾筆」是所有管理人的大忌。少爺仔鐘意買就買的行為模式，確實為公司或部門捉襟見肘的財政帶來沉重負擔。

 

　　3、離晒地︰不知民間疾苦，月入$2萬當實習，自以為是「捱義氣啃咗佢」。

 

　　4、開口埋口「Daddy話」︰趕客程度與口口聲聲「媽咪叫」的裙腳仔，不相伯仲。

 

　　5、恃勢凌人︰天生有種優越感，自恃「贏在起跑線」而目中無人。

 

　　6、家族影響力︰常見的情況是——家族與公司有某種密切關係，少爺仔通常「唔郁得」。

 

　　7、玩樂至上︰凡事玩玩下，毫無責任心；反正在少爺仔眼中，辦公室只是個主題公園。

 

　　8、零工作動機︰即無上進心。無他，唔會餓親丫嘛。

 

　　這裏的「少爺仔」只針對態度，並不存在人身攻擊。

 

　　留意返︰

　　- 「少爺仔」不一定指「有錢仔」；

　　- 不是所有少爺仔都是「少爺仔」；

　　- 亦不是所有平民都沒有少爺仔脾氣；

　　- 某程度上，無身家的少爺仔須更努力做好份工。

 

　　自求多福。

 

Source: ctgoodjobs.hk

• 

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票