新一年有新開始，就算你已熟讀晒2016打工仔放假攻略，都要先做好以下幾件小事先︰

 

1/ 收拾辦公桌

　　辦公室經常有不同的文件來往，Memo紙、文件夾，仲未計各種文具、零食、紙巾等物品，日日返工其實亂過打仗。建議趁最後呢幾日騰空少許時間，清理不必要的廢紙或過期零食。

 

2/ 檢視工作Checklist

　　如果新一年公司有其他發展大計，又或是轉換工作方向，就要由現在著手，倒過來定下工作的進程，預計相關成效。另一方面，若發現舊有的Job duty仍未完成，就要自我檢討，盡快趕上原有進度。

 

3/ Plan定出年大假

　　諗放假係打工仔最美好的FF時光。在公，放1日也好，10日也罷，最好預先與自己團隊商量，以便安排工作流程；在私，諗去旅行、唔使返工的日子最爽YY吧，但記住要預鬆啲時間搶平機票啊！

 

4/ 準時收工

　　就算年頭年中幾忙，OT到無朋友都好，新年幾日放自己早啲走，就當「吊頸抖吓氣」囉！況且，長命功夫長命做，打工仔準時收工是無罪的。

 

5/ 為自己準備一份新年禮物

　　放完新年假過後，打工仔經常會出現情緒低落、失眠、焦慮等情況，放假前最好在自己的辦公桌上預備一份小禮物，例如是一份豐富醒神的早餐、一堆自己喜愛的零食，或是夢寐以求的小擺設，務求在新一年的第一個工作天令自己心情變好。

 

6/ 認真諗吓返工的意義

　　可能你會覺得呢個題目好老套，但在日復日，年復年的打工過程中，總有自己想追求的目標。請好好利用年尾時間，考慮一下新一年自己的事業方向。即使不轉工，亦可為自己安排各種課程或活動，實踐真正的Work-life balance。

 

Source: ctgoodjobs.hk

• 

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票