都說，面試遲到、甩底屬嚴重低級錯誤，足以反映當事人毫無時間觀念、態度散漫兼無責任心（下刪10萬字負評），是求職者大忌。「嗚呀……唔通真係無得救？人地真係無心架……」有求職者求救。稍安無躁，個頭係就係開得衰啲，但亦不至於被判死刑。處理得宜，分分鐘可以嚟一個「黎明式」轉危為機，凸顯出求職者原來是個有膊頭有腰骨肯承擔的人才。

 

　　編輯仔今期特意恥笑真人真事5大甩底爛藉口，同時歸納出補鑊3式。求職者得啖笑之餘，更要引以為鑒，實戰又好，「看門口」都好。

 

求職者補鑊3式

 

遲到、甩底前適用

 

1/ 預早備案

　　態度決定一切，無論是做事還是認錯，誠懇的態度都是打動人心的先決條件。求職者若不得不遲到或甩底，務必事前以電話通知HR，直認衰仔並誠懇道歉，並禮貌地要求安排另一次面試機會。即使已獲得其他公司的Job offer，亦宜事先通知交代，好來好去。

 

遲咗到、甩了底適用

 

2/ 認衰仔、交代合理原因

　　一個令人信服的原因，是扭轉整個局面的關鍵，常見合理原因大多與天災（山泥傾瀉、水浸、樹木倒塌）、交通（塞車、地鐵延誤、壞車/ 死火）、屋企人（仔女/ 老公/ 老婆病倒、入院）有關。

 

　　求職者交代事件時，務必精簡到位，切忌提供過多不必要的細節，以免引起HR「老作藉口」的懷疑；更不要加入主觀情緒，甚至企圖推卸責任「最衰都係xxx」、「今日真係頭頭踫著黑」，否則講少句當幫忙。

 

3/ 易地而處、力煲誠意

　　態度方面，建議求職者易地而處，宜重申自己了解給對方帶來的不便，再力煲對應徵公司的誠意，並強調自己真心感恩得到是次面試，並由衷希望對方能再給予一次機會，重約或押後面試時間。

 

同場恥笑：5大面試甩底爛藉口

 

　　1/ 「嚟唔到係因為唔小心整污糟咗件衫；如果著第2件，我又會無咁自信。」

 

　　2/ 「我將手提電腦放咗入女友夾萬，無密碼；反正嚟到都present唔到，所以就唔嚟喇。」

 

　　3/ 「Google Map失靈，我搵唔到路，所以遲咗半個鐘。」

 

　　4/ 「呢度只有1部『車立』，我有幽閉恐懼症，嚟唔到面試。」

 

　　5/ 「我而家實行緊果汁減肥法，大腦轉唔郁，可唔可以等我減肥成功先嚟面試？」

 

Source: ctgoodjobs.hk

• 

【你點睇】內地再增8個自由行城市，餐飲業倡設大灣區身份證，以便利更多人來港消費，你是否認同？► 立即投票