歐洲甜食專門店法國靚仔做家鄉甜點

　　講起甜食，基本上10個女人9個都會喜歡。新開張以傳統比利時Waffle做主打的Wafffle!，以及有法國靚仔Dorian坐鎮的法式甜食店churros d'amour，肯定會得到一眾女士的歡心。

法國靚仔做家鄉甜點 churros d'amour

店子面積細小，但簡約設計，令人感覺舒適。

　　如果你經常去旺角掃街吃街頭小食，必定會經過登打士街，這時候，你會發現有位法國型男在一間小店打躉。他(Dorian)會親自下廚，埋首炸源自西班牙卻是法蘭西人最愛的街頭小食Churros。

Dorian靚仔有型，是店子的生招牌。

　　來自法國康城的Dorian，今年才25歲，曾遊歷過很多地方，包括杜拜、澳洲、新加坡等，對香港情有獨鍾，先後來過多次，幾個月前索性隻身來港生活。

Churros配鮮果及雪糕（$36）：Churros中間加有榛子醬，咬下去外脆內軟，香甜味美，配上鮮果及朱古力雪糕，吃得滿足。

以機器炸出來的Churros，脆口而不油膩。

店內有歐洲常見專門製作Churros的機器，只需加入麵糰，就會自動啤出Churros及控制油溫。

　　他的家人在法國以卡車在街頭賣甜點小食及薄餅，於是來港後他就開店專賣Churros、法式薄餅及窩夫，而且每樣細節做到足，做窩夫及薄餅的機器特別從法國運來，更花了12萬元從歐洲購入炸Churros專用機，依足家傳配方去做，用上3種不同麵包調配成粉糰，牛油及酵母用法國貨，特別將傳統成呎長的size分成四小件，食得更方便。入口外層香脆酥香，內裏較實淨，中間加有Nutella榛子醬，甜香可口，甚有法國街頭小食的風味。

法式薄餅配士多啤梨及朱古力醬（$36）：軟薄的粉皮有豐富的朱古力醬，面層的士多啤梨正好平衡了甜味。

法式薄餅配香蕉及榛子醬（$36）： Dorian推介的配搭，即叫即做的薄餅捲著滿滿的香蕉片及榛子醬，甜得來不會過膩。

　　店子所有甜點都是即叫即做，新鮮熱辣，可配搭鮮果、雪糕、榛子醬等，變出多款口味。

churros d'amour Info

地址：旺角登打士街 43 號

電話：9268 2657

營業時間：2pm-11pm

食比利時窩夫 Wafffle！

　　大家以為比利時窩夫（Waffle）只得長方形？原來那只是Brussels Waffle，外脆內鬆軟，當地人會在家中自製或在餐廳裏品嘗。另一款當地亦常見的，叫Liege Waffle，以比利時另一城市列日（Liege）命名。不規則的圓形，同樣帶格仔紋，質感煙韌，是當地人很愛的Street Food。想試Liege Waffle，可到中環新開業的Wafffle!。

樓底極高的店子，空間感一流，襯彩色波波吊燈、寫滿留言勁Like的牆壁，好型！

　　老闆是兩個比利時人，waffle 機、麵糰、朱古力、咖啡豆，還有做topping的曲奇、朱古力脆粒都是家鄉直送，相當地道。其實，Liege Waffle用酵母麵糰製造，密度高，所以質感煙韌，最特別是麵糰加入珍珠糖（Pearl Sugar），這種白砂糖遇熱時會融化，令Waffle表面如下了糖漿，帶麥芽糖香味，如沒有完全融化的則像砂糖粒，好香脆。