每次當韋太要準備菜式時，都要首先拿起張年曆卡，看看黎緊幾個月有無特別日子或假期要注意，然後才開始構思食譜。

 

　　剛過去的復活節，韋太已教大家學做派對小食，唔知大家有無用得著呢 ?

 

　　而下一個月黎緊的節日就係母親節。不如就讓韋太提早少少教大家，學煮兩款精美小炒，在家一齊過一個開心的母親節，唔使外出吃貴價菜，媽媽還開心得多呢 !

 

　　今期先教一款看似清淡菜式，但加左冬菇及乾瑤柱去燜節瓜，節瓜吸收咗海味惹味的精華，節瓜又燜到霖而不爛，媽媽見到都要比個「LIKE」大家。

 

烹煮時間 : 30分鐘

 

材料(4 人份量):

 

 

 

　　節瓜 3個、熟冬菇 2朵(切絲)、已浸乾瑤柱 4-5 粒(拆絲)、薑片 2片(切絲)

 

調味料:

 

　　雞粉 1茶匙、鹽 1/4茶匙、砂糖 1/4茶匙、蠔油 1茶匙、胡椒粉 少許、老抽 少許、清水 300毫升(或浸過瓜面水)

 

埋茨粟粉水: 

 

　　粟粉 1茶匙、清水 1茶匙(拌勻)

 

做法:

 

 

 

　　1. 節瓜小刀刮去皮及去瓤，沖洗後每個節瓜切成4份長條形。

 

　　2. 燒熱鑊，落3-4湯匙油，將節瓜兩面略煎，盛起。

 

　　3. 燒熱鑊，落少許油，將薑絲、冬菇絲及乾瑤柱絲加入爆炒一會，然後加入清水、調味料及節瓜煮滾，改慢火燜20分鐘。

 

　　4. 燜好節瓜排上碟，薑絲棄掉，汁及其他材料留用。

 

　　5. 將汁料煮滾，加入適量生粉水埋芡，將瑤柱及冬菇絲淋在節瓜上即成。

 

韋太小貼士:

 

　　1. 此菜式可以只用瑤柱唔用冬菇都可以。或平日家常菜式，可以將材料改用蝦米去代替乾瑤柱去燜煮一樣惹味。

 

　　2. 冬菇及乾瑤柱可以預先用清水浸5-6小時至軟身。冬菇可以預先蒸熟切片或煲飯時預早一天蒸熟放雪櫃保存。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】律政司就《願榮光》禁制令上訴得直，法庭批臨時禁制令，你認為能否有效阻截歌曲傳播？► 立即投票