【晴報專訊】「你要麵包定愛情？」元朗有間專賣無骨雞翼包的小店，兩位90後老闆卻兩者兼得。這對情侶創業，短短兩個月已收支平衡兼街知巷聞，雞翼包即叫即整，差不多日日售罄，午飯時間人流高峰期，更要等上一小時才食到好包。（原文刊於iMoney）

 

 

　　老闆陳學貽（Vincent）曾赴瑞士升學，修讀酒店管理，有數年西廚經驗，對煮食有濃厚興趣，最初因畢業後和女友文雅煥（Kay）聚少離多，為求「見多幾面」，決定一齊創業。以創新的無骨雞翼配獨門研發的意大利麵包做主打，雞翼包每日限售120個，每隻雞翼由人手拆骨，平均月賣3,500個。

 

　　Kay坦言，本身鍾意食雞翼，有天忽發奇想：「雞翼是每個家庭都有的餸菜，但點解無人用雞翼嚟夾麵包？」於是以無骨雞翼配以意大利Ciabatta麵包，成功俘虜不少食客。

 

　　店舖名叫「好包」（Couple & The Bao），就是一男一女加上好包，維繫這盤生意就是愛情和夢想。惟要找好包配雞翼絕對不容易，Kay說：「我們試過用不少港式包和雞翼作配搭，漢堡包、豬仔包等，但比較難食到雞翼的口感。」最後Vincent決定自家研製。

 

 

 

人手拆骨整包 耗時30小時

 

　　「起初我對麵包的認識無咁深，而意大利麵包有好多水份，比較難控制。」經過3至4個月反覆試練，不斷改良食譜，終研製到合適的麵包，「我們的麵包要前一日開始整，麵團要發酵24小時，整形後又要再發酵，需時較長。」由搓粉、發酵，到製成麵團，差不多需30小時，難怪限量發售。

 

　　有了好包，但精髓仍在雞翼。一個包內有3隻無骨雞翼，日售120個包，意味每日最少要拆360隻，Vincent坦言：「拆骨唔算好難，但比較費神，有時拆骨都會拆到好灰。」店舖暫只聘2位Part-time員工，大部分工作由他倆口子一腳踢，「我哋慳人工，減低成本。」

 

 

　　開舖後，兩人雖然日對夜對，但有時工作辛勞，難免語氣變重，亦因生意問題有爭拗，但Kay笑言：「只要食飽飯，就會無事。

 

 

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情