收藏文章 

2018-01-03

快樂嗎?忘掉理想只能忙於生活嗎?

  大家都希望可以新年快樂,但要快樂有時好簡單,有時又會好困難....「香港人成日苦口苦面」呢句話相信唔少人會認同,而去到今日,呢句說話仲拎埋國際認證!事關美國民調中心蓋洛普(Gallup)就發布咗「全球十大最快樂國家」同「全球十大最不快樂國家」嘅調查結果,香港都榜上有名㗎!不過就係喺「全球十大最不快樂國家」個榜囉……

 

 

要喺香港安居樂業,談何容易?老、中、青各有各煩惱。

 

  呢個調查喺上年年尾訪問咗55個國家同地區,今年拎到「最快樂國家」嘅三甲分別係斐濟(92分)、哥倫比亞(87分)同菲律賓(84分);而「最不快樂國家」嘅三甲就有伊朗(5分)、伊拉克(7分)同烏克蘭(8分)。而香港得分係29分,排倒數第7

 

港人沒有安樂窩 生活如何快樂過?

 

  Jenny成日都聽到啲朋友仔呻係香港地生活好艱難,上次先同大家數完有啲乜會喺元旦加價,今日亦都啱好有新一批嘅資助房屋項目進行抽籤,而綠、白表配額係各佔一半。不過大家都知白表申請表個數長期都係「High High」㗎啦!果然今次有9萬幾份申請,超額認購成150倍!當中白表就已經有87千份。所以就算填好表格準時遞表有得抽籤,最後咪又係冇份揀樓!其實香港人都只係想要個安樂窩啫!因乜解究個機率就好似買六合彩咁呢?計Jenny話,有個窩,人就安樂,生活自然就快樂啦!但係而家個個都係冇殼蝸牛,又點會安樂?點會快樂呢?

 

  講起快樂,除咗令Jenny諗起Eason首《我的快樂時代》之外,仲有由黃偉文填詞、薛凱琪主唱嘅《給十年後的我》,喺新嘅一年就等Jenny化身DJ送首呢歌畀各位讀者:

 

這十年來做過的事 能令你無悔 驕傲嗎

那時候你所相信的事 沒有被動搖吧

 

對象和緣份已出現 成就也還算不賴嗎

旅途上你增添了經歷 又有讓稜角 消失嗎

 

軟弱嗎 

你成熟了 不會失去格調吧

當初堅持還在嗎 刀鋒不會 磨鈍了吧

 

老練嗎

你情願變得 聰明而不衝動嗎

但變成 步步停下三思 會累嗎

 

快樂嗎

你還是記得你跟我約定吧

區區幾場成敗裡 應該不致 麻木了吧

 

快樂嗎

你忘掉理想 只能忙於生活嗎

 別太遲 又十年後至想 快樂嗎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新直播節目《hot talk 1點鐘》強勁嘉賓陣容 擴視野 添智慧 玩埋「睇住賞」 贏熱爆獎品 ► 即睇

更多言歸政傳文章
你可能感興趣
#最快樂國家 #給十年後的我 #我的快樂時代 #快樂 #最不快樂國家 #最不快樂國家
編輯推介
即時報價
全文搜索
Search
最近搜看
大國博弈
新型肺炎
More
Share