收藏文章 

2018-11-16

補選進入大直路「嬲」字各有各做 ,基哥想「Great Again」?

  仲有一個星期,就係立法會九龍西補選嘅時候喇!「嬲」字格局定左,唔知係唔係今次淨係補選一區,選舉氣氛似乎就冇3月嗰陣咁濃厚,不過話晒民主派有李卓人(阿人)同馮檢基(基哥)內訌,Jenny覺得呢啲花生唔怕食呀!

 

 

 

齊齊發動Video攻勢 獨基哥要放Link

 

  Jenny發現今次有啲候選人都好鍾意拍片宣傳,就好似李卓人噚日先出咗條新片,講反對填海,個風格仲幾迎合年輕人口味;而做開傳媒嘅陳凱欣直情係「一日幾片」咁滯,不過啲片嘅形式就離唔開「曬馬」,一日孖一個建制議員,講點解支持佢出選,而政綱嗰類就以圖片形式出Post;至於基哥嗰邊就少啲片睇,而佢終於喺今日凌晨擺咗條短片上Facebook,不過……點解係條Google Drive link嚟嘅?要撳入去先睇得,冇得自動Play噃!睇嚟基哥似乎唔太識用Facebook up片噃,不過唔緊要!工聯會有開Facebook班呀,基哥!

 

Great Again? 入唔返議會仲驚!

 

   話時話,基哥今次個競選口號係「Great Again」,大家係唔係覺得好熟口面呢!咪就係之前Donald Trump(侵侵)選美國總統嗰句「Make America Great Again」而嚟嘅囉!基哥都一早認咗Idea來自侵侵。不過Jenny就覺得,呢個「Great Again」願望,除咗係講香港,仲係講緊基哥自己入唔入得返議會Again喇!睇而家個勢,小妹係基哥的話,就真係有少少驚喇!

 

  九龍西補選候選人仲有伍廸希、曾麗文。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

現凡訂閱etnet YouTube Channel,即賞麥當勞現金券!
► 立即行動

更多言歸政傳文章
你可能感興趣
#立法會 #選舉 #九龍西補選 #九西補選 #馮檢基 #李卓人 #內訌 #陳凱欣 #Google Drive
編輯推介
即時報價
全文搜索
Search
最近搜看
恒大困局
跨境理財通
More
Share