2001年，經典韓國愛情電影《我的野蠻女友》曾掀起野蠻風潮，想不到2013年的香港都上演了類似橋段。最近網絡瘋傳一段《港男跪地 挨港女「女友」巴掌》的片段，網友認為女的「影衰港女」、不值得幫；而男的則「影衰男人」，失去「樽鹽」。

 

　　上載者表示事件發生於上周五(4日)於土瓜灣新碼頭街，片段所見，片中女友指摘男友帶片中另一名女子回家，男友不惜跪地求饒，並嚎哭著表示：「我乜都無做」，亦表示另一名女子是女友的表妹，並要求表妹代為解釋，但她沒有解釋；而女友不停質疑男友「做乜叫人上你屋企？係咪當我無到？」、「你自己錯咗，知唔知啊？」，同時扯起男友頭髮，並一巴一巴地摑下去，有網友數過，女友摑了他14巴掌。

 

　　在片末，圍觀途人聲援男方，道：「唔好要佢啦！」、「做乜要咁樣打人」、「駛唔駛跪埋玻璃？」，但被女友反駁：「你都唔知佢平時點對我?」。不少網友曾質疑過片段的真偽，質疑：「係咪又係宣傳片」，據悉，有途人報警，事件現交由警方處理，才令網友感嘆：「原來是真的」。

 

　　原本片段截止今日，已有逾38萬人點擊觀看。固然，施虐者(女友)固然被鬧爆，不少女網友紛紛表示「作為女人都唔幫佢」、「Sonia」認為「錯係要鬧，但唔駛當街做Show」。另外，對於今次事件的成因，「wining38」猜測「女友想飛男友，老屈男友偷食」。

 

　　今次的受虐者亦被鬧，網友形容男友為「奴隸獸」，「monsterpiecexx」認為「係男人的就唔好喊，霸氣地分手」，不少網友認為男友連做人的基本尊嚴都沒有，有的網友叫他還手，「La Wong」認為「跪係解決唔到問題，只會失去尊嚴！愈跪愈打得勁呀！」，而「Raymond」估計「佢應該係食軟飯先唔還食」。

 

　　不過亦有人撐男友打不還手的行為，「Alfredbaby」認為「我只見到一個好在意呢段感情的男人，就算明知無面都想對方理解自己的心意」；而「Alvin」則認為「一個男人無尊嚴咁同女仔講對唔住，其實要付出好大勇氣，可能呢一刻對個男仔黎講個女仔真係好重要」。

 

　　「iamfreedoom」表示睇完段片覺得很感慨，「如果一個女仔在街上打的是一隻貓或狗，已經好快有人報警而被控虐畜；有時人連畜生都不如」，亦有網友假設今次男女角色調轉，其他網友會有甚麼反應，「jjonsale」提問道：「點解女仔打男仔就天經地義，而男仔打女仔就被罵成變態呢？」

 

港男跪地 挨港女「女友」巴掌片段：http://www.youtube.com/watch?v=OK1aZD7o9yE

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》與你分享應對性騷擾三部曲，減輕心理陰影創傷、提升自我肯定方法 ► 即睇