收藏文章 

2016-06-10

90後慳妹 $2.5萬玩轉歐洲86日

  【晴報專訊】踏入6月,不少大學生正密謀來個「玩到盡」的畢業旅行。有90後去年遊遍歐洲7個國家,玩足86日只花2.5萬元,打破歐遊「太貴」的既定想法。如她所言,世上無免費午餐,起行前要靠多做準備功夫。

 

 

 

  25歲旅遊博客、「Travel with Stella」版主楊寶玲(Stella),去年大學畢業時,未考試個心已飛到歐洲,她早半年已部署撲平飛。「我在fb like晒平機票情報網站,如flyday.hk及flyagain.la,有平飛即時知!」她又善用格價Apps如「skyscanner」,何時出發、回程全看價錢決定。為避開暑假旺季,她選擇6月出發、9月回港,「省下的錢可玩多兩個地方」。她的朋友在七月飛往歐洲,票價高達1.3萬元,但Stella只花5,000元完成任務。

 

  她在歐洲穿洲過省,多搭火車及巴士亦可慳荷包。「譬如Megabus每一班次只有一張1英鎊(約11港元)平價車票,若計劃好行程,有空可每日看看網頁,或有機會搶到平價票!」她試過只用11港元由英國倫敦搭巴士去荷蘭阿姆斯特丹,足足慳逾500港元。

 

花$100住千呎別墅

 

獨個兒去旅行,令Stella更積極認識當地的朋友。

 

  作為背包客,住得平非床位或airbnb莫屬。她試過住一房30個床位的男女混宿旅館,每晚僅100港元;亦試過住airbnb倫敦千呎別墅,每晚承惠150元。「因屋主舉家外遊,我一人可獨霸三層別墅!」

 

 

  自問不擅煮食的她,為慳錢惟有多下廚。「早上準備埋午餐,如三文治、麥片或意粉,坐草地野餐也不錯。」她又會按入住日子預算糧餉。即使是慳妹,她也不忘品嘗當地特色美食,如西班牙燴飯、荷蘭芝士等。因午餐收費比晚餐平逾半,她會揀午市入座,慳住錢嘆美食。

 

為節省行李費,一大一小背包已是Stella近3個月的行裝。

 

 

 

 

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk

轉載自: 晴報

更多有種生活文章
編輯推介
即時報價
全文搜索
Search
最近搜看
夏日特輯
港樓演義
More
Share