被疫情籠罩的農曆新年，大家打算怎樣過？雖然政府早已宣布將現行社交距離措施延長至年初六（2月17日），出外拜年似乎可免則免，但大時大節，人不到都要禮到！然而新年禮盒千百種，曲奇、朱古力、糖果、水果各有各有「粉絲」，但禮物畢竟代表著送禮者的品味，怎可以隨隨便便買！對於賀年禮物，還未有頭緒？即睇編輯推介11款賀年禮品，保證大方得體卻不老套！

 

精緻糕餅曲奇

 

1. 茶控最愛！有齊伯爵茶、玄米茶、焙茶味曲奇：望月

 

　　望月的「流心奶黃月」出名好吃就人人都知，其全新推出的賀年禮盒一樣高質！「經典口味雜錦曲奇禮盒」（$228）嚴選伯爵茶曲奇、朱古力曲奇、杏仁曲奇三款經典味道，好吸引！其中編者最愛伯爵茶曲奇，選用英國皇室認證的茶中精品Twinings川寧伯爵茶茶葉，添加了淡淡的佛手柑芬芳，讓本身鬆化香濃的曲奇更添韻味！伯爵茶控必定要試！最好就額外單買一盒單味曲奇禮盒畀自己慢慢歎！

 

伯爵茶曲奇禮盒 $128

（圖片由望月提供）

 

　　以茶炮製曲奇，還有日本茶曲奇！同樣是全新產品的「日本茶口味雜錦曲奇禮盒」，則採用日本滋賀縣歷史最悠久的製茶店「丸安茶業」的茶粉製作而成，質素夠晒保證！試一試味先！咬一啖抹茶曲奇，感覺茶味超香濃，而且口感酥脆，一點也不油膩！

 

　　焙茶曲奇香氣更濃，最適合一邊呷茶，一邊細細品嘗！玄米茶曲奇呢？製法較特別，把玄米茶粉與玄米粒交錯混入粉糰再烘焗，帶出比一般玄米茶更豐厚獨特的香氣，不得不試！三款日本茶味曲奇各有特色，好在買一盒就可以一次過試齊晒，正！

 

日本茶口味雜錦曲奇禮盒 $228

（圖片由望月提供）

 

　　除曲奇之外，編者亦極力推介蝴蝶酥！光是其「心形」模樣，拿上手已是一份心意；何況味道亦不錯，不但脆卜卜，而且焦糖香氣馥郁，一忍不住口就連吃了好幾塊！

 

　　包裝嘛，紫紫紅紅禮盒上，有金牛、金龍、招財貓等圖案，可愛具喜慶感覺之餘又帶幾分趣緻，大人和小朋友收到都會喜歡。

 

蝴蝶酥禮盒 $148

（圖片由望月提供）

 

新年禮盒的網上訂購已經截止，有興趣可到「望月」各區銷售點購買。

 

• 

etnet榮獲HKEX Awards 2023 「最佳表現證券數據供應商」大獎► 了解詳情

• 1
• 2
• 3
• 4
• 5
• 6