返工日日都咁忙，想坐低慢慢食餐飯都好難，仲點會食得健康！有時忙起上來，簡簡單單一個美味暖湯，輕輕巧巧已是很好的一餐。編者最近發現，大角咀新開一間新派輕食店「壹杯SUPU」，主打100%新鮮蔬菜熬製的西式濃湯，而且標榜無味精，感覺天然，卡路里亦比平時飲開的肉湯低一半；最讚是款式都算多，可以日日飲不同口味，好啱做Light Meal或Light Lunch！4月主廚限定更有鮮味爆燈的黃金海膽湯，怕不夠飽可以配麵包沾湯吃，非常好味！

「壹杯SUPU」走日系清新風格，給人一種舒服愜意的感覺，店內亦設有小吧枱可供立食。

　　「壹杯SUPU」選址大角咀，店舖空間小小，只設小吧枱供立食，主打西式濃湯輕食套餐，加上以「100%新鮮蔬菜熬製」作招徠，成功吸引一班追求健康飲食的年輕客人！店子雖小，廚房團隊不容小覷，位位都擁有多年酒店餐飲主廚經驗，部分更曾任職米芝蓮兩星餐廳，出品質素有保證！想試？先睇編者的「試飲報告」！

　　第一個要介紹的，必定是「4月主廚限定」的黃金海膽湯，入口好幼滑，不腥！聽廚師講，這湯採用100%日本海膽，再加日本麵豉、日式鰹魚高湯打成，難怪入口啖啖鮮甜香濃！最抵讚是每碗湯都有原片海膽浮台，果然足料！望落亦夠精緻，打卡呃like一流！唯一美中不足的是，這款湯不設外賣，兼每日限量發售，想試就要趁早堂食！

黃金海膽湯（$88）

下頁睇其他湯款推介

WoW WoW星期三：健康網購產品低至$99 (只限今天)► 立即行動

• 1
• 2