加入最愛專欄  收藏文章 

2021-05-14Text: Yan LawPhoto: Celia Li

串串金黃香脆!尖沙咀關西風串揚店,必試手工製三文魚子蝦餅、港式臭豆腐!期間限定$1追加炸串!

  放工後想喝杯酒chill一chill,不一定去居酒屋!學日本人一樣,去串揚專門店都得!相約三五知己小聚,邊喝酒邊吃金黃香脆的串揚,感覺好痛快!最近有間串揚專門店進駐尖沙咀,叫MO MO Kushiage,主打關西風串揚,近八成材料由日本新鮮直送,裹上薄薄一層粉漿,炸得香脆不膩,再配上自家秘製醬汁,好食到不得了!值得捧場!

 

 

  MO MO Kushiage提供逾30款特色串揚,涵蓋肉類、海鮮、蔬菜等,款式夠多!全部即點即炸,端上桌熱辣辣;最讚是脆漿做得金黃脆之餘夠薄身,而且炸的火候控制得好,外層乾爽不滲油,內裏材料的水份能保存。先吃哪款好?睇推介啦!編者向來怕生蠔腥味重,所以只會吃炸蠔,這裡的日本蠔串揚脹卜卜,外層酥脆,內裡飽滿多汁鮮味滿瀉,蘸上以紅酒、果醋、味醂調配而成的自家秘製醬汁,酸咪咪更能突顯蠔鮮!

 

日本蠔 $58/串

 

  鯡魚子是日本料理常用食材,吃起來口感脆卜卜,好過癮!師傅先將鯡魚子加上昆布醃製再油炸,食落夠鹹香,還多了一重脆脆口感!好特別!

 

鯡魚子昆布 $58/串

 

  以白蝦、生蝦蓉手打製成的蝦餅,口感彈牙兼具鮮味,油炸後再鋪上醒胃的他他醬、晶瑩剔透的三文魚子,不但賣相吸引,味道層次更非常豐富!編者尤愛三文魚子在口腔破開的美味,好想encore食多一串!

 

蝦餅三文魚子 $48/串

 

  另一重點推介是荷蘭豚肉卷,設有四款口味;肉汁豐腴的豚肉,配梅醬吃最酸甜開胃,搭紅薑就略帶微辣,遇上芝士時味道份外濃郁creamy,加葱則夠香口!各有各風味,你又愛邊款?

 

荷蘭豚肉卷(梅醬/紅薑/芝士/蔥)每款 $42

 

  還有呢?其他人氣推介必試安格斯牛柳($58)、日本鹿兒島黑豚豬梅肉($48)、日本天使蝦($68)、松葉蟹腳($48)、日本海鰻魚($32)、番茄芝士($32)、鵪鶉蛋($28)、蓮藕($28)、日本冬菇($28)等,款式太多,就不逐一介紹了,想知有幾好味?自己去試啦!

 

新張期間設$1追加串揚、全店食品8折

 

  不過要試就要快!因為即日起至5月31日,餐廳新張期間內將設有$1追加優惠,大家可以$1優惠價追加串揚,包括蝦餅三文魚子、日本蠔、日本年糕、男爵馬鈴薯、芝士火腿、半熟玉子、蘆筍和青森蒜頭,每人最多2串;同時可享有全店食品8折(飲品除外),以及生啤啤酒買二送一優惠!勁抵!

 

凡堂食消費任何食物或飲品,即可以$1優惠價追加一串串揚,每人最多2串。

 

下頁睇關東煮、食事系列

 

全新消閒節目《周一加油站》,幫你踢走悶氣,重新注入元氣! ► 即睇

更多Foodie What’s On文章
你可能感興趣
#關東煮 #燒酎 #茶漬飯 #蕎麥麵 #串揚 #關西風 #著數優惠 #隱藏菜單 #尖沙咀 #美食地圖 #臭豆腐 #試食報告 #新餐廳 #日本
編輯推介
即時報價
全文搜索
Search
最近搜看
大國博弈
台疫情反彈
More
Share