加入最愛專欄  收藏文章 

2021-02-11Text: Ariel Chan

【百看不厭】Netflix上映經典賀歲劇!《嚦咕嚦咕新年財》、《富貴逼人》、《逃學威龍》,邊套係你心水?

  明天就是大年初一,過年的必備節目都是離不開拜年、逗利是和睇賀歲劇!可惜,今個新年很難去戲院睇新片,那就只好留在家中重溫!聽到重溫就想大叫一句「唔好喇」?唔使咁快擰頭住!編輯發現Netflix有一系列的春節賀歲電影與節目,好像是富貴逼人系列、周星馳作品等等,的確有不少電影大家都看過無數次,但編輯相信大家口裏說不,但又會睇到笑不停,全因經典的作品確是百看不厭!一齊睇睇有邊幾套戲必定要回味!

 

1. 背得出的電影︰嚦咕嚦咕新年財(2002)

 

  《嚦咕嚦咕新年財》堪稱每年都要重溫一次的賀歲劇!相信各位對劇情都應該滾瓜爛熟,編輯就不再多介紹劇情,一齊回顧幾句令人會心微笑的金句!

 

新年想打返四圈發個新年財?記得「人品好,牌品自然好」!

《嚦咕嚦咕新年財》劇照

打極都開唔到齋?麻雀大俠就話「爛牌有爛牌嘅打法,愈爛嘅牌就要愈比心機打」!

《嚦咕嚦咕新年財》劇照

「有時贏錢未必開心,打啱嗰隻牌先有滿足感。」

《嚦咕嚦咕新年財》劇照

《嚦咕嚦咕新年財》宣傳海報

 

《嚦咕嚦咕新年財》

年份︰2002

主演︰劉德華、梁詠琪、古天樂

網址︰https://bit.ly/3p6UKKr

 

2. 80年代經典︰《富貴逼人》

 

  大家有沒有許下甚麼新年願望?相信你同我都有過「橫財夢」,就好像80年代經典賀歲片《富貴逼人》中董驃一家希望中六合彩發達!不過,他們中了六合彩頭獎之後,萬萬都估不到存放巨款的銀行竟然倒閉,變成空歡喜一場……禍不單行,就連他們的女兒都被綁架!雖然已經過了三十多年,但相信不少劇情仍然會引起一絲的共鳴,加上劇情過癮又盞鬼,即使翻看幾多次都覺得好好笑!

 

各位打工仔有沒有想起早上逼地鐵的畫面?

(《富貴逼人》劇照)

《富貴逼人》劇照

 

  同系列的《富貴再逼人》和《富貴再三逼人》在Netflix都有得睇,四日長假期可以慢慢煲!

 

(圖片來源︰Netflix)

(圖片來源︰Netflix)

 

《富貴逼人》

年份︰1987

主演︰董驃、沈殿霞、陳奕詩

網址︰https://bit.ly/2OoRFJb

 

3. 巨星雲集︰《八星報喜》

 

  今年初三撞正情人節,這套《八星報喜》就啱睇!故事主要圍繞方氏三兄弟的愛情故事,大哥方劍輝(黃百鳴飾)與一位失婚婦人由冤家變戀人;二哥方劍郎(周潤發飾)性格風流,暪女友去勾搭Beautiful(鍾楚紅飾);三弟方劍笙(張學友飾)就與一位公園的少女萌生一段純潔愛情……大家又會想邊一個做你的情人呢?

 

這套集合多位巨星的賀歲片絕對是值得回味的經典!

(《八星報喜》劇照)

雖然「橋就不怕舊,最緊要受」,但是劇中的經典對白有句「用六十年代嘅屎橋去追八十年代嘅女仔,死硬!」

(《八星報喜》劇照)

 

《八星報喜》

年份︰1988

主演︰周潤發,黃百鳴,張學友

網址︰https://bit.ly/3qgpeeE

 

4. 男神之作︰《賭神》

 

  新年當然要「玩兩手」睇睇自己今年的運勢如何,這個時候就要向發哥偷偷師喇!發哥在戲中以All Back加落重髮蠟的造型出場,整個畫面都是賭神的氣場,不知道新年梳起這個髮型會不會成功化身成賭神呢?

 

發哥在劇中的造型迷倒不少女士!

(《賭神》劇照)

劇中經典場面, 4條A!

(《賭神》劇照)

劇中「朋友,你返去印度食蕉喇!」成為大熱的金句,更有不少GIF圖!

(《賭神》劇照)

 

《賭神》

年份︰1989

主演︰周潤發,劉德華,張敏

網址︰https://bit.ly/2Z2bS9E

 

5. 必睇星爺作品︰《逃學威龍三之龍過鷄年》

 

  睇賀歲片就是要大笑一場,又點會少得星爺的作品呢?編者每次看《逃學威龍》系列都會笑都停唔到口!周星星(周星馳飾)在逃學威龍三又再一次接到臥底任務,扮演一位社交名媛的有錢老公。第三集的風格跟前兩輯不同,但依舊笑料百出,湯茱迪(梅艷芳飾)和周星星的感情戲更叫人感動!

 

周星星試圖拒絕再一次出任臥底,過程好笑!

(《逃學威龍三之龍過鷄年》劇照)

湯茱迪去找陳警司投訴有個不是黎sir的黎sir幫她找了個不是她老公的老公,笑死了!

(《逃學威龍三之龍過鷄年》劇照)

湯茱迪雖然一早知道周星星不是自己的老公,但是最後被警察拉走時仍留下一句「我走啦,老公」,笑中有淚。

(《逃學威龍三之龍過鷄年》劇照)

 

《逃學威龍三之龍過鷄年》

年份︰1993

主演︰周星馳,梅豔芳,張敏

網址︰https://bit.ly/2Ngy9hu

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

更多玩樂 What’s On文章
你可能感興趣
#2021CNY #新年 #農曆新年 #賀歲片 #賀歲劇 #Netflix #抗疫不悶 #逃學威龍三之龍過鷄年 #賭神 #嚦咕嚦咕新年財 #富貴逼人 #周星馳 #周潤發 #劉德華 #古天樂 #沈殿霞
編輯推介
即時報價
全文搜索
Search
最近搜看
中概股回歸
大國博弈
More
Share