收藏文章 

2018-05-07

頌缽求靜偏動怒

  因為愛煞銅缽敲打時的純樸沉穩聲頻,我買下一個。尼泊爾手工製,小小的,一見鍾情,置於掌心,歡喜自在。

 

  都說頌缽是古代自然療法,具療癒身心靈的功效,藉敲擊研磨銅缽產生的迥轉聲響,帶動體內細胞、血液、能量產生共振協調作用,肢體上有助緩減痛症不適,精神上則舒解壓力困擾。

 

 

  這一概,其實我都不懂。

 

  只是每夜盤膝床前,隨心敲打幾分鐘,聽著確實舒暢。三個月過去,一心祈求自我提升,與其胡亂敲打,白白浪費了造缽者的苦心,何不認真求教?也就想著報讀專業頌缽課程。

 

  快速搜刮,坊間不乏類似課程,課堂收費卻大有分別,從每課$3,000多塊到$1,300到$90,都有!自問不熟行情,思前想後,報讀了香港中文大學專業進修學院舉辦的「認識喜馬拉雅頌鉢聲療」課程,共六課,每課兩小時,全期學費港幣$1,250。

 

  頌缽本為求靜,有謂靜能生百慧,守靜才能淡薄泰然 …… 我卻求靜未遂先發怒!

 

  一肚子氣,不吐不快!要吐,廣東話最是傳神,以下文字略為粗暴,望諒!

 

  課程原定四月尾開課,二月網上報名,信用咭即時過數,幾天後收到確認,正式收據連同上課證已到手,一概順利。

 

 

  本來喜孜孜 …… 

 

  兩個月後,懷著歡喜心準備上課,卻收到學院電話及電郵通知,課程取消 ……

 

  開課前一星期先話取消,我覺得有啲老套,但諗吓,算啦!點知自己又發牙痕忍唔住問「點解取消嘅?」其實佢答乜都得,我都係隨口嗡啫!

 

  哈,佢竟然叫我等陣,兩秒之後 ……

 

  「哦,小姐,幫你check過喇,原來舊年都係開唔到嘅!」呀大佬呀,講乜啫?我問你今年點解取消,你就答我舊年都係取消,咁喺咪我自己唔小心,報名前唔睇清楚呀?

 

  之後,我收到退款通知書,一睇,火都嚟埋,退款安排極之擾民,表面有得揀 ,實情係唔想你揀 ……

 

  選擇一,就係Keep住我啲錢,叫我轉讀其他課程 …… 我唔會啦!

 

  選擇二,都係Keep住我啲錢 …… 因為我係網上報名,退款就一定要退翻入信用咭戶口,咁即係,呢筆學費,我一定要消費咗去啦!

 

  唔會寄票,亦唔會轉帳去其他存款戶口,仲要講明成個退款過程需時四至五個星期 ……

 

  最最老套係,無論我想點,都要填好呢份退款通知書,十天內交回,先可安排!

 

  真係人都癲!

 

  作為一間院校,經營手法竟然跟商業機構一樣,申請時易如反掌,想終止服務?就要九牛二虎、力竭筋疲。

 

  猶記幾十年前報讀課程,申請表格、支票跟回郵信封一併寄出,主辦單位先保存支票,確認收生人數足以開班才過數,否則退回支票。

 

  這個做法行政簡單,省時省人手,如今卻急於爭取現金流,因為Cash is King,萬一報讀者事忙,忘記十天內呈遞退款通知書,學費是否就此扣起?

 

  辦教育,是這個模樣嗎?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

更多綠路閑人文章
你可能感興趣
#頌缽 #自然療法
沒有相關資料。
編輯推介
即時報價
全文搜索
Search
最近搜看
雙幣交易
聚焦兩會2024
More
Share