【晴報專訊】衛蘭（Janice）一連三晚假紅館舉行的《Oh My Janice》演唱會前晚尾場，邀得陳柏宇擔任嘉賓，Janice自爆今次開騷前患上嚴重感冒，只能靠意志力撐著，幸好順利完成三晚演出。

衛蘭

　　Janice整個騷甚少講話，她解釋除了不擅長說話，亦因開騷前患上嚴重感冒。「開騷前幾日突然病得好犀利，鼻水倒流搞到喉嚨好唔舒服，全靠意志力。」至於會否開Part 2，她說還未知，稍後會去內地開騷，預計要到二月中才可以休息幾日。

陳柏宇自爆來紅館前，不小心揩花了座駕。

　　Janice感激三晚嘉賓at17、AGA和陳柏宇︰「好感恩可以邀請到佢哋，幾位都係我喺Event常見同好欣賞嘅歌手，一直都好想合作，聽到佢哋唱我嘅歌，感覺好唔同。」

擔心做運動整傷脊柱

　　Janice的身形一直是眾人的焦點，首場時她曾在台上自言為今次演唱會增肥十磅，對此她笑著回應︰「我無特登去增肥，但亦都無刻意去減肥，其實我都有做gym同跑步。（唔怕影響脊柱側彎問題？）我都驚會傷到spine（脊骨）㗎，之前試過運動時傷過腰，所以再做番運動都要少少勇氣，同埋有教練從旁睇住。」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇