【晴報專訊】《溏心風暴3》進入尾聲，「正爸」夏雨、「正媽」李司棋及唐文龍等昨午到尖沙咀出席《正爸正媽請飲茶》活動，夏雨與劇中「恩公」李國麟大玩「HeHe」，被司棋姐取笑二人「斷背」，司棋姐和唐文龍更即場向夏雨潑茶報仇。

 

唐文龍感激劇集為自己帶挈工作。

 

　　唐文龍昨日即場與夏雨及司棋姐重演人氣劇情，在劇中被潑得一身奶茶漬的文龍，今次獲安排反過來向夏雨潑茶，文龍笑言︰「畀佢潑咁多次終於有機會還手。」他回想起早前出席活動，在不知情下被潑奶茶。「我當時仲要過海做活動，嗱嗱聲返上車換衫，不過都要多謝佢潑醒咗我嘅人氣。」

 

密密接Job無停手

 

一班演員齊齊宣布《溏3》內地點擊率將破15億次。

 

　　問到拍完《溏3》是否多了工作？文龍立刻數數手指，笑謂︰「啱啱北京返嚟，有同幾間製作公司傾過，樂觀啲睇都有三、四單會成事，都係拍網劇同電影。」問到會否考慮在北京發展？他坦言希望可以留港發展，雖然TVB未有再邀拍劇，但亦有港產片接洽中，他笑謂︰「好多謝大家咁包容我呢個賤男角色，播之前都有兩星期擔心到瞓唔著。」

 

司棋姐向夏雨潑茶，七情上面幾乎被誤會假戲真做。

 

　　無綫頒獎禮將於周日舉行，問到夏雨是否趁機拉票爭視帝？他笑言︰「順其自然啦，我無心去爭。」他自言對劇中香香、唐文龍和黃翠如三條感情綫都十分喜歡，又大讚香香下了不少苦功熟讀劇本。講到他在劇中盲目報恩，夏雨解釋︰「開拍前都有傾過，有少少爭議，諗緊現實係咪有咁嘅人，應該有嘅。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇