【晴報專訊】吳若希（Jinny）昨日到商台受訪，去年為生女而全面停工的她，透露農曆年後會專注投入工作，更計劃約滿公司後努力追多個，她說︰「想追多個仔，再加多對孖胎，生夠四個。」

現時長居澳門的吳若希，考慮農曆年後搬返香港。

　　吳若希去年誕下囡囡淼淼後便長居澳門相夫教女，閒時才返港探望親友，她亦曾考慮過長居澳門生活︰「我有諗過攞埋澳門身分證，每年攞九千蚊，話晒都係一部iPhone價錢。」不過由於Jinny跟公司仍有合約，所以農曆年後便要復工。「趁約滿前賺下奶粉錢，四月就會返嚟瞓身做嘢，依家揀緊歌，過完年會錄音。」

唔想做怪獸家長

Jinny視女兒是掌上明珠，老公都要行埋一邊。

　　Jinny指過去一年老闆都沒有施壓，只是她一直請假，她的合約就會一直延長。「如果唔返嚟，份約就完唔到。」囡囡現時九個月大，Jinny大讚乖巧易湊，又笑指女兒才是她的情人，並且超越老公。「阿女有兩個工人湊住，返港做嘢都好想帶住佢。」雖然女兒仍是幼兒，但Jinny身邊的朋友已開始為她物色幼稚園。「佢哋話搵到間好嘅幼稚園，先可以考到心儀小學，但我唔想做怪獸家長，淨係想阿女生活開心。」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇