【晴報專訊】佘詩曼昨日到銅鑼灣出席活動，近日在內地新劇飾演賢妻的她，直言拍劇多年已從中吸收做人妻的經驗，至於何時出現姻緣？阿佘則笑言︰「有㗎喇今年！應該。」

　　阿佘昨日一身紅噹噹出席新年活動，最近在浙江橫店拍攝民初劇《鬢邊不是海棠紅》的她，希望農曆新年放假返港，她表示︰「希望放年三十晚、年初一同年初二，如果得兩日我都返唔切嚟。」阿佘又透露劇中飾演一位好太太，笑言今次終於不用演奸角，媽咪知道後最開心，而自己演戲多年，亦演過不少賢妻角色，只是每次都視新角色為新挑戰。

阿佘昨日與財神提早向市民拜年。

　　那現實中可有信心做好太太？阿佘表示︰「要試下先知，拍咗咁多年戲都汲取咗啲經驗。」但若為人妻，她坦言最難是分配時間，尤其要在工作及家庭作取捨，她說︰「希望兩邊兼顧，但真係好難揀。（姻緣如何？）有㗎喇今年，應該！（有冇人追？）等愛情來的時候，豬年姻緣同財運都要。」

賺錢畀媽咪享福

　　去年播出的《延禧攻略》成績驕人，阿佘坦言受劇集帶挈而豬籠入水，她開心表示︰「好感恩，進帳幾多就唔好講喇，係開心嘅。」至於媽咪今年的利市是否很大封？阿佘自爆與媽咪有聯名戶口，而該戶口是留給媽咪享福的，她說︰「之前佢搵我使，依家我搵佢使。」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇