【晴報專訊】許廷鏗（Alfred）前晚假紅館舉行《再見智慧齒演唱會2019》，老友胡鴻鈞不但坐第一行見證他的紅館「初夜」，胡鴻鈞事後更自爆睇騷睇到喊，足見兩人私交甚篤。

 

JW、林欣彤及欣宜以學生妹look任嘉賓。

 

　　出道十年的許廷鏗，前晚首次在紅館開個唱，許廷鏗父母及胞兄、許志安、周柏豪、吳若希、釗鋒及張栢芝等前往捧場。許廷鏗唱到《護航》時，一見胡鴻鈞即上前與他selfie及遞咪，胡鴻鈞即席唱幾句，令全場尖叫。及後許廷鏗請來林欣彤（Mag）、王灝兒（JW）及鄭欣宜合唱，許廷鏗拖住中學年代已認識的JW唱歌時，一時感觸落淚，他說︰「我最想就係同呢班朋友分享呢個舞台，我開心時，佢哋會更加開心；我唔開心時，佢哋會更加嬲。」JW與欣宜更感動得一齊喊。至於encore環節，則請來謝安琪任嘉賓。

 

許廷鏗瘦身成功，大騷麒麟臂。

 

　　許廷鏗完騷訪問時不禁大讚︰「初夜感覺好好呀！」對於整喊JW和欣宜，他笑說︰「我心目中一直有個紅館畫面，希望可以同我最close嘅人分享，佢哋三個算係最交心。（邊個係『大婆？』）欣宜係大婆，Mag同JW一定明。」提到鮮有公開露面的張栢芝亦有捧場，他說︰「佢自己話嚟，佢一直都有聽開我啲歌。」

 

下次開騷預老友

 

胡鴻鈞無論在台上台下一樣力撐許廷鏗，足見兄弟情。

 

　　談到老友胡鴻鈞坐正第一行，許廷鏗強調座位不是由他分配，為何不請對方做嘉賓？他搞笑說︰「『初夜』梗係唔畀佢啦，下次全男班，總之就翻尋味啦！」至於胡鴻鈞前晚在社交網上載兩人合照，並留言說︰「和萬二人一起見證了你的紅館初夜，第一次睇show睇到喊，你好嘢！知道當中過程一點都不容易，但你沒有令支持你的人失望，今晚大成功，為你感到驕傲。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇