【晴報專訊】陳煒（煒哥）被爆戀上醫學美容醫生陳國強，更被指介入男方婚姻，不過陳國強隨後澄清已離婚。煒哥前晚春風滿面在灣仔出席活動時，強調與男友同為45歲，並非外間所指的姊弟戀。

有愛情滋潤的煒哥，笑起來特別甜。

　　陳煒前晚提到戀情時，表示與男友剛剛開始，但收到不少朋友恭喜的短訊，她更多謝紅娘黃智賢。她表示沒想過這麼快公開戀情，自己陪男友出埠去研討會，也只是剛巧未有工作才同行。她說︰「我難得有假期，算係可以專心拍拖。」

煒哥與醫生男友外形合襯。

　　煒哥透露男友是她的粉絲︰「我哋做treatment認識，佢好細心好關心人，佢係我fans，好注意我，所以話題比較多。」為男友公司做生招牌？她笑說︰「拍廣告要收錢，我唔收，公司都要收啦。」提到戀情曝光後，煒哥一度被冠以第三者稱號，她說︰「佢已經解釋咗，講咗亦代表我答咗。佢好有承擔，問題都係關乎佢身上，佢又唔係圈中人，我好感激佢。」她亦特別澄清男友年齡︰「男友唔係40歲，我哋同年（45歲）㗎，唔好話係姊弟戀！」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇