【晴報專訊】高海寧（高Ling）和音樂人男友鄧智偉的戀情逐漸浮面，高Ling昨日出席意大利文化節活動時，笑言將來希望到意大利舉行婚禮，表現出一顆恨嫁的心。

高海寧笑言意大利有很多靚景拍攝婚照。

　　高海寧、陳茵媺（Aimee）、Ana.R、Rosemary等昨天出席《我的意大利ITALIA MIA文化節》揭幕禮，高Ling曾到訪意大利兩次，遊覽羅馬、佛羅倫斯、比薩等城市，下個目標想去威尼斯參加面具節。她說︰「戴上面具充滿神秘感，四圍識新朋友，除下面具可能係靚仔，就算唔靚仔都好有驚喜。」會否與男友鄧智偉一齊去？高Ling：「好呀，佢都好鍾意意大利，有機會都想一齊去。」

　　提議高Ling到時穿上新娘裝出席面具節？她笑說：「咁又唔使，可以好多裝扮嘅，或者着宮廷裝都得。」會否考慮在當地結婚？她笑說：「有機會都會考慮，我哋未傾到呢個問題，我覺得意大利品牌嘅婚紗特別靚，所以着住喺當地影結婚相都好。」

陳茵媺無懼七年之癢

今天中秋節，陳茵媺會在家中炮製大餐慶祝。

　　同場的Aimee表示今年與老公陳豪結婚六周年，但因老公忙拍劇，沒有特別慶祝。提到明年二人「七年之癢」，她即說：「啋！no no no，我哋要保持到好似拍拖咁，所以一定要有兩個人嘅浪漫旅行，可以單獨拍拖，揀啲未去過嘅地方，發掘新事物。」

轉載自: 晴報

etnet經濟通榮獲HKIRC「2022-2023年度無障礙網頁嘉許計劃」三項金獎。► 了解更多