【晴報專訊】王浩信、張頴康與馮盈盈前晚錄影無綫節目《流行經典50年》，歌手身份出道的王浩信，坦言已儲了幾首劇集主題曲，希望再出碟。至於張頴康與馮盈盈在新劇《解決師》拍激吻戲後，盈盈前晚主動為男方伴舞。

 

王浩信希望再次進軍樂壇。

 

　　王浩信前晚獻唱《至少還有你》及《到此為止》兩首女生的歌曲，沒有唱自己的作品。他笑說︰「我啲歌唔夠經典，同埋唱女仔歌，就算唱得唔好都唔太明顯。」他事前特地練歌，最近亦日日練，問他是否計劃出唱片？他說︰「我依家都儲咗六、七首劇集主題曲，如果儲夠十首歌，都想同公司傾下出碟。」

 

馮盈盈自誇「天籟之音」

 

網民大讚已為人母的陳自瑤保持完美身材。

 

　　另外，王浩信太太陳自瑤日前在IG「派福利」，上載性感的比堅尼照曬身材，獲網民一致讚好，問王浩信可有被老婆嚇親？他笑說︰「我知嘅，我都畀咗like，同埋都無嚇親。」

 

張頴康取笑馮盈盈的伴舞，其實只是鬼影般行來行去。

 

　　同場的張頴康與馮盈盈前晚一同表演，張頴康獨唱《幾分傷心幾分痴》，盈盈沒有唱歌，只負責伴舞，她向張頴康解釋說︰「因為我歌聲好神秘，其實係天籟之音，我驚我唱完之後你無嘢撈！」

 

　　盈盈搞笑表示已準備好勁歌熱舞，可會撫摸張頴康？她說︰「本來我想加插個人化嘅感性演繹，加少少肢體接觸，但綵排嗰陣導演話我可唔可以唔好咁似dancer！」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情