【晴報專訊】李麗珍（珍妹）及趙頌茹（阿Yu）昨日出席ViuTV全新節目《一切從失婚開始》記者會，她們分別與素人到訪世界各地，了解異地婚姻文化。珍妹在節目中大談感情事，曾因與潘源良分手而引發情緒病的她，坦言靠自己幫自己走出困局。

原來李麗珍第一次拍真人騷，更緊張得感冒又胃痛。

　　李麗珍在節目中與素人Benjamin到訪台灣，大家邊拍攝邊傾心事：「我當咗對方係機械人咁，唔使理佢嘅身份，乜都可以同佢講，反而相熟嘅朋友講得多會悶。今次我仲安慰番對方轉頭，因為佢放唔低之前一段感情。」他們探訪當地山區一對不理世俗的夫妻，令珍妹體會到簡單的幸福。

　　在節目中重提失婚及失戀經驗，問珍妹可有感觸落淚？她說：「我本身好難喊，除非好大件事，節目中都有感動位。」提到與舊愛潘源良分手後誘發情緒病，珍妹說：「係自己醫好自己，唔好鑽牛角尖，喺節目度都有分享，好似畫畫咁，同埋朋友幫我問心理醫生意見。不過我無睇過心理醫生，情況無咁嚴重，但如果繼續係咁就要睇。」她表示女兒許倚榕是她醫好自己的動力：「個女叫我振作，我感動到靜靜雞喊。」

趙頌茹探AV女優開眼界

趙頌茹擔心自己在節目中哭得太醜樣。

　　同場的趙頌茹與兩位女生去日本，訪問AV女優及牛郎。她說：「接觸過AV女優，其實唔係一件咁鹹濕嘅事，都係一份工。同佢哋傾偈令我大開眼界，感覺笑中有淚，淚中有笑。」節目組更帶阿Yu去相睇，但暫未有結果。可有信心覓得真愛？她坦言：「無幻想咁多，依家搵錢湊女，真愛喺邊呢？年紀大想有個伴，但唔會好渴望。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情