【晴報專訊】李施嬅昨日與海俊傑到商台，宣傳二人合唱的新歌《二次緣》。施嬅今日將飛往加拿大多倫多拍攝網劇，鑑於新冠肺炎疫情嚴重，她決定在飛機上「斷食」15小時，亦盡量減少去洗手間，減低受感染的風險。

李施嬅今日出發往加國，海俊傑更自薦送機。

　　李施嬅昨日表示為了飛往加拿大，做足防疫工夫，除了準備酒精消毒及清潔飛機座位，今天亦會戴帽、口罩及眼鏡，以及自備樽裝水上機。她說：「機程15個鐘，食飽先上機，飛機餐可以唔食，但洗手間唔去有啲難度。瞓十個鐘，之後睇兩套戲就到啦！」她表示《法證先鋒IV》監製梅小青邀請她下月回港欣賞大結局，所以她會盡量度期回港出席。

想與觀眾隔空合唱

李施嬅與海俊傑在《法證先鋒IV》中有不少對手戲。

　　提到今次首度推出歌曲，她笑言拍劇多年從未唱過劇集歌曲，難得完約無綫後，才有機會嘗試：「多謝海俊傑畀機會我，我係樂壇新人，我搵咗歌唱老師，仲搵埋豹哥（單立文）同豹嫂（胡蓓蔚）指點。」新歌已在卡拉OK上架，但不少人因疫情不敢去唱K，施嬅考慮與海俊傑在網上跟觀眾隔空合唱，好玩得來又可宣傳歌曲。身旁的海俊傑則笑指無綫走寶，皆因施嬅唱得好，認為她有機會奪樂壇新人獎。

轉載自: 晴報

WoW WoW星期三：健康網購產品低至$99 (只限今天)► 立即行動