【晴報專訊】李佳芯（Ali）、陳豪、黎耀祥及龔嘉欣等，昨日在電視城為劇集《殺手》造勢。有傳無綫為防因藝人個人言論及行為而造成損失，打算向續約藝員即時「加辣」，早前曾被無綫雪藏的Ali表示︰「無聽過，續約先算。」

 

江美儀以鳳姐造型與黎耀祥宣傳《殺手》。

 

　　近日有報道指黃心穎的「安心事件」連累無綫損失慘重，終令無綫出招要藝人承擔責任。李佳芯早前疑因網上發表政治言論而辣㷫TVB，對於無綫向續約藝人「加辣」的傳聞，Ali坦言︰「無聽過喎，都係你哋講先知。（如果續約加辣仲簽唔簽？）續約先算啦，我份約未有耐（完）。」

 

李佳芯學陳豪谷肌，但她自嘲沒身材。

 

　　陳豪穿著緊身恤衫，化身爆肌咖啡師即場沖咖啡，他說是拍完《誇世代》後養成健身操肌的成果，卻笑指︰「我平時守身如玉，依家啲女演員唔肯除，咪我除囉。」對於一家五口早前到沙灘享受家庭樂，太太陳茵媺卻被網民嫌穿得太密實，陳豪解釋︰「我無唔畀佢著三點式泳衣，因為大家都要照顧小朋友，所以最緊要著得舒服。」

 

江嘉敏拒重提「船P羅生門」

 

江嘉敏再次否認與馮盈盈鬧翻。

 

　　江嘉敏與馮盈盈因「船P羅生門」事件盛傳不和，近日餘波未了，有指盈盈不滿江嘉敏收了50萬「介紹費」叫她上船，江嘉敏回應︰「件事已經完咗，要回應嘅已經回應咗，要講嘅、要唔開心嘅、要嬲嘅都已經過去，亦唔想再提呢件事，唔想再發酵落去。（同盈盈關係無變？）朋友囉。（已經唔係好朋友？）咁咪好朋友囉，哈哈。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇