【晴報專訊】鄧麗欣（Stephy）與男團MIRROR最近合作ViuTV新劇《男排女將》，Stephy直認拍攝時經常被一眾小鮮肉「口花花」調戲，但她仍然心繫台灣男友邱勝翊（王子），更甜絲絲宣布男友是她的唯一。

 

鄧麗欣笑言MIRROR不停調戲她，有時令她招架不住。

 

　　鄧麗欣昨日聯同顧定軒、MIRROR成員Ian、Anson Lo、Jer、Edan、Tiger、Alton及Jeremy等，出席《男排女將》記者會。一眾小鮮肉即場與甲一排球隊「力臻」打友誼賽，雖以4:10落敗，但仍獲現場不少掌聲。Stephy在劇中飾演排球教練，提到在MIRROR面前已升呢做姐姐，她笑說：「無問題呀，我都未到演媽媽，就算演媽媽我都接受到，都要面對現實，角色同自身都要成長，要我做番《9個女仔1隻鬼》都唔好意思啦！」

 

MIRROR打排球有姿勢有實際。

 

　　Stephy笑言拍劇期間經常「被仔圍」，她也樂於享受被MIRROR調戲，因感覺似回到校園時：「幾廿年無試過（被調戲）喇，好似中小學時代咁，佢哋開頭扮晒怕醜，後尾熟咗就調戲我，又問我攞電話。」問男友王子可有調戲她？她笑說：「王子唔係呢類型。」一眾小鮮肉中誰有王子的影子？她甜絲絲說：「唔似，佢係The one and the only one。」

 

陳卓賢露肉滿足粉絲

 

今天生日的Jer（左一），反被隊友要求請食飯。

 

　　同場的Jer（柳應廷）今天28歲生日，獲眾兄弟送上蛋糕慶祝。提到MIRROR在劇中不乏露肉片段，Ian（陳卓賢）笑指要滿足觀眾：「要半裸上身，有排球短褲，連過場都要剝衫，露太多喇，我唔係行呢個路綫，平時好保守！」Edan（呂爵安）透露有場沙灘戲只穿肉色內褲，Anson Lo（盧瀚霆）解釋：「因為我哋要扮全裸，我喺肉色底褲入面加咗兩條底褲。」Jer則指隊友中以Tiger（邱傲然）操練得最大隻。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇