【晴報專訊】伍允龍與應屆港姐冠軍謝嘉怡，昨日出席《歡樂滿東華》記者會，久未露面的伍允龍，今年初回美國探親，因疫情一度滯留當地，索性陪伴在當地居住的父母。他坦言父母因華人面孔，在疫情期間曾受到種族歧視，所以功夫了得的他肩負保護雙親的責任。

伍允龍透露將留港宣傳劇集。

　　大型籌款節目《歡樂滿東華》將於下月5日假將軍澳電視城舉行，伍允龍屆時在節目中表演耍刀。提到在美國的抗疫日子，他表示曾發生不愉快事件：「疫情初期，我同父母去當地社區，當地人對華人戴口罩好抗拒，媽咪去郵局都被人眼望望；爸爸又被外國人話啲病毒係亞洲人傳過去，令佢哋唔係咁舒服，所以媽咪去邊度，我就陪佢去邊度。」他指幸好目前當地大部分人都戴口罩，父母外出時亦相對安全。

　　伍允龍表示回港後，曾到電視城拍攝宣傳片，碰巧舊愛鍾嘉欣亦在港趕拍新劇《兒科醫生》，可惜二人緣慳一面。伍允龍說：「我知道佢（鍾嘉欣）返咗嚟拍劇，不過我無見到佢。」

謝嘉怡曾被爸爸禁踢波

謝嘉怡笑言不擔心在台上「講錯嘢」。

　　同場的謝嘉怡將在節目中表演踢足球，原來男仔頭的她熱愛踢波：「讀中學、小學嗰陣都有踢波，都有入校隊踢中場，但15歲個陣爸爸唔畀我再踢波，因為踢得多會腳粗！」她表示升讀大學護理系後，因功課及實習太忙，所以放下足球夢。謝嘉怡曾在台上唱廣東話歌被取笑，她笑言寧願揀表演踢足球，也不會揀台上獻唱。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇