世事政情

2021-03-04

相隔異地孖湯洛雯曬定情公仔網上傳情馬國明︰只係搞下笑

　　【晴報專訊】日前馬國明（馬明）正式北上深圳，隔離21日後將拍攝無綫劇集《白色強人II》，他一向愛與女友湯洛雯（靚湯）在網上放閃，這對情侶前晚分別在IG上載定情公仔解相思之苦，被網友笑爆閃到盲。昨晚馬明回應《晴報》稱︰「只係搞下笑！」果然是冧女高手。

　　馬明與靚湯自從去年六月宣布拍拖後，二人一直非常恩愛，更不時會在社交網公開放閃隔空傳情。早前馬明忙為無綫新劇《白色強人II》在電視城開工，原來他前日已跟陳豪、郭晉安、胡定欣、唐詩詠等主角，拉大隊出發到深圳，為拍攝外景做準備。不過，在新冠肺炎疫情下，眾人北上後要先在酒店隔離21日，因此馬明與靚湯分開至少兩個月，認真慘情。

馬明與靚湯的公仔一個變黑、一個趴低，未知是否代表雙方無法見面灰到爆。（IG圖片）

　　馬明與靚湯分隔異地，前晚他在IG發帖曬二人的定情「小馬」，並留言稱︰「隔離第一天……」靚湯亦出招，在IG上載她與馬明的定情獨角獸，但公仔卻趴低，狀甚無奈。她更留下了一個眼濕濕emoji，明顯難抵與男友兩地相思之苦，馬明立即留言「慘慘豬」加以安慰，果然是廿四孝男友。

高Ling出口窒老友

腹大便便的胡杏兒（中）日前返電視城探班，與馬明、胡定欣聚舊。

　　曾與馬明合演夫妻兼是靚湯老友的高海寧（高Ling）忍不住抽水︰「哎呀，隔空傳情，曬死隔籬呀喂！」她又取笑馬明︰「咁咪仲好，一日廿四小時，可以慢慢談情。」岑麗香則以英文稱︰「你哋太可愛了。」至於胡杏兒、苟芸慧、黃翠如等齊齊叫馬明加油。昨晚，問及馬明公然放閃，他僅只簡單回應稱︰「其實無放閃……只係搞下笑……」至於他在酒店房間隔離下是否會每日視像談情，他則未有回應。

白滑小馬慘變黑馬

　　另一邊廂，有網民發現馬國明的「小馬」公仔照片在昏暗燈光下明顯變得黯淡，有人叫馬明「幫小馬洗下白白」，有網民亦笑稱︰「變咗黑馬」。有粉絲亦叮囑他要與女友每日視像維繫感情。