世事政情

2021-03-05

自揭患乳癌籲定時自我檢查金燕玲︰經歷令我好驚

　　【晴報專訊】兩年前曾患子宮癌的金燕玲，日前開設個人YouTube頻道「金燕玲隨心。隨興」，她的第一條短片即發放震撼彈，自揭在農曆新年前發現患上乳癌，可幸及時做手術割除腫瘤。她叮囑各位女性閒時多「自摸」作檢查，並眼濕濕稱︰「我唔係難受，但個經歷真係幾驚！」

　　66歲的金燕玲前日上載自己成為YouTuber後的第一段片，她透露今年度過了一個特別的農曆新年，全因與兩年前一樣，於農曆年前發現自己患癌︰「我拉筋嘅時候，突然摸到自己嘅左胸有一粒嘢，結果諗咗一晚後去問醫生可以點做，檢查完後，捱到年初五證實自己有癌症！」

金燕玲提到友人為她的身體憂心，一時感觸眼濕濕。(網上截圖)

　　金燕玲表示自己的癌症屬於一期B，並強調分享第二度患癌的經歷，是希望消息從自己口中公開，並呼籲大家要做身體檢查及買保險。她直言︰「雖然我患癌，割咗粒嘢，遲啲再電療，但情況已算幸運。」她邊說邊哽咽︰「心情經過係好驚，我唔係難受，但個經歷幾驚，原來胸部對女人嚟講係幾緊要，醫生見完我話情況樂觀，因為粒嘢（腫瘤）唔大，但佢話要開刀後，一路做手術一路檢驗，無擴散。」

蘇施黃樂做柴可夫

阿蘇發布上周金燕玲在手術後「出關」的照片，相中金燕玲狀態甚佳。（FB圖片）

　　金燕玲透露，自己入院動手術後，翌日已出院，身邊友人大感驚訝︰「我返去休息一日就出街，真係要呼籲大家，得閒無事就摸自己身體檢查，今次經驗話畀大家知，原來我發現個胸突然好脹，粒嘢會覺得『哽』住，好明顯，如果你摸到一粒奇怪嘢，就立即搵醫生。」她並稱︰「我中過流感，兩年前後打孖上有兩個癌症，但我不得不講我係好幸運嘅人，絕對係不幸中之大幸。」她又呼籲大家不要節省買保險的錢，自己生病亦不想令身邊人有經濟負擔。

阿蘇上月在家慶生，老友關之琳（右一）亦是座上客。

　　另一方面，金燕玲的密友蘇施黃昨日在FB發布二人合照，並稱︰「佢（金燕玲）真係好犀利，做完手術第二日已出院，第三天已出街，佢話唔好當自己有病匿埋喺屋企喎。我做司機蘇，駕車也小心翼翼，費事揼親佢！」阿蘇衷心感謝各界關心，亦叮囑大家訂閱金燕玲的YouTube頻道。至於網友指金燕玲一發現不妥立即搵醫生，可見她處事果斷；亦有人讚她心態非常樂觀。