【晴報專訊】麥長青（麥包）昨日為亞視首個體育拳擊節目《KF1百萬拳王》直播擔任司儀，麥包透露在疫情之下，不但收入大減，連投資的餐廳亦要蝕本轉手離場。麥包坦言身上彈藥（資金）有限，暫時不敢再投資做生意。

 

麥包目前以自由身方式接工作，亦歡迎與娘家無綫合作。

 

　　麥長青、雪梨、黃夏蕙及劉永等藝人，以及應屆亞洲小姐香港區三甲及19年季軍范莎莎等，到亞視大埔總台出席《KF1百萬拳王》直播。目前以自由身接工作的麥包，表示與亞視簽下一年合約，為該拳擊節目擔任主持。他坦言受疫情影響，自己投資的生意無奈損手離場：「我間餐廳頂唔順要蝕讓，好彩有人接手，班夥計繼續有份工都係好事。我拍檔話頂落去先，有心搞好呢門生意，佢哋有錢，得我最窮，我只係小股東。我暫時都唔敢再搞生意住，因為無彈藥！」

 

一眾亞姐以露腰性感拳手打扮出席節目。

 

　　麥包目前主要做直播帶貨，下周亦會返深圳隔離準備拍劇，他苦笑指希望多拍港劇。提到曾志偉重返TVB發展綜藝節目，麥包說：「我隨時候命，只要志偉開聲叫到就會埋位。志偉返去大家都好開心，佢有團火又有諗頭，觀眾都好期待佢嘅節目。」

 

亞姐蔡小蝶最怕肌肉男

 

范莎莎（右）笑言可充當沙包，讓蔡小蝶打個痛快。

 

　　同場的應屆亞洲小姐香港區冠軍蔡小蝶及19年季軍范莎莎，齊齊以拳手打扮現身。提到一眾拳手在場，范莎莎自言喜歡肌肉型男士，代表對方生活有規律；不過蔡小蝶卻相反，擔心肌肉男會引起家暴：「我驚自己唔夠對方打，所以唔太鍾意大隻男，只鍾意陽光型。」二人笑言大家喜歡不同類型男士，一定不會爭男朋友。問她們會否以亞姐身份參加拳賽？二人表示交由公司安排。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇