加入最愛專欄  收藏文章 

2021-04-26

錢嘉樂拍戲火燒身變豬頭 眼濕濕憶母探病目瞪口呆

  【晴報專訊】錢小豪和錢嘉樂兩兄弟自小感情相當好,長大後兩兄弟更一同入行做龍虎武師。日前兩人為節目《諸朋好友》擔任嘉賓,接受主持人崔建邦、陳凱琳訪問,提到兒時生活及入行做動作演員的辛酸史。其中嘉樂說起自己曾因拍戲燒傷的經過,感慨至眼泛淚光。

 

 

錢小豪(左)和錢嘉樂(右)手足情深,二人早年就讀同一學校,哥哥做甚麼,弟弟都會跟着做。(電視截圖)

 

  錢嘉樂自幼喜歡跟着哥哥錢小豪,兩人談到入行經過,嘉樂笑言︰「做父母嘅當然希望自己仔女將來做律師、工程師,偏偏我哋就做咗『武師』,哈哈!」兩兄弟未讀完書便入娛樂圈。嘉樂最難忘去菲律賓拍「大哥大」洪金寶的電影《東方秃鷹》,期間中汽油彈意外燒傷全身入院。他憶述︰「當時6個汽油彈喺船上爆,大哥數一、二、三,我要做反應,收Order係聽到『三』先跳,點知爆破(人員)喺叫到『二』就撳咗爆炸掣,Boom!我喺火海之中,好痛苦!入咗醫院。」

 

多得伯樂洪金寶提攜

 

錢嘉樂提起當年受傷,媽媽去探病的擔憂表情,非常感慨。(電視截圖)

 

  嘉樂重提舊事,回想起死過翻生的經歷,不禁眼泛淚光。他說:「意外發生後,嗰晚大家收咗工嚟探我,大哥、彪哥(元彪)、午馬同樓南光,我都笑笑口,苦中作樂。唔知嗰晚定第二晚,突然有人敲門,然後就見到我阿哥。原來香港報紙已經出晒『香港電影《東方禿鷹》菲律賓發生意外,工作人員危殆。』,阿哥即刻搭夜機帶阿媽嚟,爆炸燒傷後,我無咗眉毛,仲有啲水泡,兩隻手包實晒。(小豪在旁話當時認唔到嘉樂,個頭脹大咗。)我見阿媽一行埋嚟,嗰個反應好真實,係唔知點反應,直程似而家視后咁,之後佢勉強笑一笑。」嘉樂續稱:「之後我同自己講,唔想阿媽錯覺我拍戲就係咁樣。當我憑《烈火戰車》攞獎時(1996年《香港電影金紫荊》「最佳男配角」),呢次可以話畀我阿媽知嘞!」

 

崔建邦和陳凱琳擔任《諸朋好友》主持,和不同嘉賓分享心聲。(電視截圖)

 

  小豪、嘉樂直言當年入行好辛苦,要重新學習電影的動作和翻騰,特別身處1980年代初,當時正是動作電影的「戰國時代」,隨口數得出有袁家班、張家班、劉家班、洪家班及成家班等好多代表人物,亦因而令他們不敢偷懶,許多動作都親自上陣。兩人又提到「大哥大」洪金寶是恩師及伯樂,小豪表示,有一次與嘉樂去布吉旅行而認識洪金寶,返港後就接到電話邀請他拍戲;而嘉樂17歲入行,之後有機會拍到《A計劃》及《奇謀妙計五福星》,因而給洪金寶看中及帶他去西班牙拍《快餐車》。嘉樂一臉感慨︰「阿哥好啲,都係辛苦,但一入行都叫主角。佢帶我入行,我做親都係跳樓、畀火燒嗰啲,就算觀眾睇到都唔知係我!」

 

轉載自: 晴報

全新消閒節目《周一加油站》,幫你踢走悶氣,重新注入元氣! ► 即睇

更多娛樂情報文章
編輯推介
即時報價
全文搜索
Search
最近搜看
索羅斯抄底
跨境理財通
More
Share