世事政情

2021-04-27

肺纖維化留醫近半年包到冚出院余慕蓮︰執番條命仔好感恩

　　【晴報專訊】余慕蓮（魚毛）去年11月因肺纖維化入院，一度情況危殆被送往深切治療部（ICU），幸好吉人天相。身體好轉的魚毛昨午出院，消瘦但精神奕奕的她甫見傳媒已揮手示好，她回家後接受DJ車淑梅電話訪問時稱︰「入院半年喎，執番條命仔已經好感恩，諗住出唔到嚟，希望快啲站起來！」

　　83歲的魚毛曾一度留醫ICU，要插喉並以呼吸機協助呼吸，更要打強心針，可幸大步檻過。上周她透露獲醫生批准出院，預告休息後會剪個靚髮、扮靚靚與大家見面，相信留醫近半年的她急不及待與朋友相聚。魚毛昨日回家後，接受車淑梅電話訪問，自爆已半年沒有剪指甲，魚毛說︰「印傭都有幫我由頭洗到落腳。」她直言執番命仔已好感恩︰「返到屋企好舒服，唔使成日瞓床！」

車淑梅

自爆瞓覺照穿尿片

魚毛（前排右）早年出席由蔡和平舉行的EYT舊生會聚會。

　　魚毛又透露現時會少出門，但也想盡快去銀行攞錢︰「呢半年已經使晒啲錢，我要畀印傭人工、伙食、管理費！（最想吃甚麼？）暫時唔可以食好嘢，都係叫印傭煲豬肉湯或魚湯！」她自爆暫時會穿尿片睡覺︰「日頭就唔用，始終瞓咗半年床，醫生都叫印傭同我行多啲！」她又感觸地向大家說︰「大家唔使擔心，多謝咁多年都仲記得我，希望快啲可以站起來！」

《東張西望》主持林映輝去年中曾與魚毛到酒樓歎茶，當時她胃口甚佳。（網上截圖）

感謝薛家燕米雪關懷

魚毛昨日出院時主動揮手，又指有大批傳媒守候令她驚訝。

魚毛因擔心交叉感染，沒有叫朋友接她出院。

　　昨日下午魚毛出院時，在醫護人員陪同下坐輪椅離開，她戴上口罩、墨鏡、cap帽，又用大毛巾包實自己，做足防疫及保暖功夫。她中氣十足向現場記者說：「醫生叫我唔好接觸咁多人，因為驚住交叉感染，疫情下有變種病毒呀！」她登上復康小巴後，只見她雙腿非常瘦削，相信是因住院時只能進食流質食物，加上長期臥床所致。昨晚魚毛亦接受《東張西望》電話訪問，她透露薛家燕、米雪、吳麗珠等好友經常致電關心她，她十分感激。她又說︰「我喉嚨個窿開始癒合，所以拔咗喉自己呼吸已經好開心！之前只可以食流質食物，依家可以食飯，但係菜及藥丸就要整碎先食。」另外，魚毛好友鄧達智（William）上周生日，他為遷就魚毛出院，特別將自己的生日派對延至明日才於中環鏞記酒家舉行。William回應本報時說：「我會照開派對，但醫生勸喻魚毛目前留喺屋企靜養好啲，所以佢未必能夠參加宴會。」