【晴報專訊】呂慧儀與前夫黃文迪離婚三年，日前二人被發現一同帶兒子黃柏翹（蟹籽）遊主題公園，不過呂慧儀前晚演出《開心大綜藝》時，強調自己母親當日亦有同行，三代同堂提早慶祝母親節，言談間避談前夫。

 

呂慧儀不捨得兒子大得太快。

 

　　呂慧儀前晚與湯盈盈、周家蔚及沈可欣等幾位媽媽一同玩遊戲，雖然母親節正日要開工，但呂慧儀已收到兒子「蟹籽」所送的禮物︰「囝囝畫咗張咭畀我，佢每年都畫一張，畫一啲我鍾意嘅圖案，我都會好好收藏。」日前呂慧儀與囝囝到主題公園遊玩，被發現前夫黃文迪亦有同行，她強調呂媽媽當日亦在場，一起提早慶祝母親節︰「無特別夾時間，我一知自己放假就安排啦。」她又扯開話題說︰「最深刻係三年前同個仔去園內一間餐廳影相，今次再去，發覺個仔真係大得太快啦！」

 

呂慧儀日前與囝囝蟹籽及呂媽媽同遊主題公園。（IG圖片）

 

　　另外，提到有份參演《愛•回家之開心速遞》的岑杏賢宣布懷孕五個月，呂慧儀笑說︰「之前佢暫別劇組，我哋都奇怪佢度蜜月去咁耐，大家都戥佢開心。生個肥肥白白嘅BB，同埋安胎嘅時候一定要睇《愛•回家》。」

 

張嘉兒想生第三胎

 

（左起）孟瑤、張美妮、陳爽及張嘉兒前晚大跳勁舞。

 

　　同場的張嘉兒亦戥老友岑杏賢開心︰「我畀咗好多（懷孕）資料佢，佢身材仲好弗！」嘉兒笑說自己心郁想生第三胎︰「不過我想留番啲時間畀老公，依家考慮緊。」至於表演舞蹈的孟瑤年前已離婚，現在已覓得第二春，與一名在港生活的內地商人拍拖一年，感情漸見穩定，但暫時未有再婚打算。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇