加入最愛專欄  收藏文章 

2021-06-01

蕭正楠模仿馬國明眼神演戲 湯洛雯護男友:扮得唔似

  【晴報專訊】蕭正楠(阿蕭)和湯洛雯(靚湯)昨日宣傳劇集《一笑渡凡間》,阿蕭在劇中愛上靚湯,他自爆演談情戲時刻意扮靚湯男友馬國明,誰知惹來靚湯「投訴」,指阿蕭為宣傳不時擺馬明上枱,場面搞笑。

 

蕭正楠經常取笑湯洛雯,令女方哭笑不得。

 

  蕭正楠昨日談到在《一笑渡凡間》首播時,有場他面上長滿毒瘡的戲份,雖然戲份只有一分鐘,卻拍足幾日,阿蕭說:「因為呢個毒瘡嘅粧會成日出現,所以經常化,每次化三個鐘好攰,後來索性打橫瞓喺度化粧,但大家話好似化死人粧咁,以後都唔敢啦!」在劇中經常以捕快打扮現身的靚湯,自爆只有一場女裝戲,阿蕭抵死說︰「因為我要有驚艷嘅感覺,我就用馬國明望住靚湯嘅眼神嚟演戲,流晒口水咁。」靚湯即說:「做咩我哋宣傳成日講佢(馬明)!」

 

蕭正楠自稱在劇中以馬國明眼神望實湯洛雯。

 

  蕭正楠笑言下次考慮扮馬明出席宣傳活動,靚湯笑罵︰「你唔好諗住扮佢宣傳啦,你都扮得唔似。」另外,提到馬明正身在內地工作,靚湯指男友帶了兩隻定情公仔同行:「佢已經將公仔據為己有。」問馬明何時將靚湯真人據為己有?她忍不住甜笑說:「你哋問佢啦!」

 

利穎怡拍劇主持兩兼顧

 

利穎怡昨日露小蠻腰。

 

  同場的《東張西望》主持利穎怡在劇中飾演一個被虐待的丫鬟,經常傷痕纍纍:「雖然我只佔一個單元,不過劇中我得一場戲以正常樣出現,其餘場口都係傷痕纍纍,面部唔可以有表情,眼睛都唔能夠有太大反應,起初監製嫌我對眼太精靈,要求我嘅眼神要奄奄一息咁。」她最近參演另一劇集《痞子殿下》,希望可以拍劇及主持兩邊發展。

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

更多娛樂情報文章
你可能感興趣
#蕭正楠 #湯洛雯 #馬國明
編輯推介
即時報價
全文搜索
Search
最近搜看
雙幣交易
財政預算案2024-25
More
Share