加入最愛專欄  收藏文章 

2021-07-21

黎振燁繼續無影 朱智賢獲放生︰大家要向前望

  【晴報專訊】朱智賢去年4月在拍攝劇集《食腦喪B》期間,被踢爆背男友謝東閔,暗交人夫黎振燁,兩人形象盡毀,齊齊被無綫雪藏。事隔一年多,朱智賢獲無綫放生,有份出演的《食》劇重見天日,她昨日更被安排出席宣傳活動,不過黎振燁卻繼續不見蹤影,似乎並未能如朱智賢般獲解凍。

 

朱智賢大方重提不快事,心情似乎不錯。

 

  《食腦喪B》於去年初拍攝,但因黎振燁與朱智賢的偷食事件,一度傳出劇集將會不見天日;不過朱智賢最近獲解封,《食》劇亦於本周五在myTV Gold點播區正式出街。該劇主要演員何廣沛、江嘉敏等昨日出席宣傳活動,黎振燁卻繼續銷聲匿跡。

 

監製吳冠宇表示,沒有刻意刪剪黎振燁的戲份。

 

  問到劇集推出會否勾起不快回憶?朱智賢表示︰「之前嘅事都已經過咗去,大家應該向前望,都唔希望一件事扼殺其他演員嘅努力。(套劇因為你幾乎變成倉底貨?)係咩?咁依家套劇出到街都好開心,因為自己戲份都唔少,都想睇下自己有無進步空間。」對於獲翻身機會,可覺得自己幸運?朱智賢說︰「演員都係被動嘅,所有事都由公司安排,(有報道話黎振燁講過無打算復出?)呢方面我唔清楚,其他人嘅事我都唔方便評論。(監製無刪剪男方戲份?)我覺得經一事長一智,從錯誤中學習,係好好嘅教訓,上咗寶貴嘅一課。(會唔會同謝東閔一齊睇劇?)呢啲私人事我唔講啦。」

 

何廣沛笑江嘉敏幸福肥

 

  對於黎振燁不獲安排出席宣傳,何廣沛表示︰「我唔知背後嘅原因,本身亦無同佢聯絡,因為喺戲入面同佢對手戲唔多。」

 

何廣沛「睇死」江嘉敏未能成功減肥。

 

  另外,江嘉敏透露將開拍新劇,需要減肥十公斤,最近正積極減磅,更已成功減掉三公斤;不過新劇於下月開工,問她可有信心再多減七公斤?她表示自己除了節食,亦有做運動,有信心能夠達標,不過身旁的何廣沛就「睇死」她不能夠成功減肥,又笑指她幸福肥。

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

更多娛樂情報文章
你可能感興趣
#朱智賢 #食腦喪B #黎振燁 #江嘉敏 #何廣沛
編輯推介
即時報價
全文搜索
Search
最近搜看
雙幣交易
聚焦兩會2024
More
Share